S 483
A.D. 942. King Edmund to Theodred, bishop of London; grant of land at Southery, Norfolk. Latin.
Archive: Bury St Edmunds
MSS: 1. Cambridge, U.L., Ff. 2. 33, 47v (s. xiii2)
2. Cambridge, U.L., Mm. 4. 19, 83rv (s. xii; incomplete)
Printed: K 391; B 774.
Comments: Hart, ECEE, no. 120A (p. 96), authentic; cf. S 1526.
Notes: In MS 1 there is a note before the dating clause referring to a vernacular translation of the text; the position suggests that the scribe was probably misled by vernacular bounds.
+ In nomine Dei summi et altissimi Jhesu Christi . regna regum ab alto regente , cuius nutu creata cun[c]ta diem gignendo procedunt quædam vite præsentis et actu pollente diu virencia sistunt . quædam vero suis a viribus dum pulcriora cernuntur , flos veluti flatu venti , corrucencia repente marcescunt .
Quam ob causam ego Eadmundus , rex Anglorum genciumque circumsistencium præpotens almifice rector , cuidam meo scilicet pontifici Londoniensis cathedre , mihi dilecto nomine Þeodredo , principum nobiliumque militum seu meorum optatu , sue videlicet fidelitatis obsequio , modicam muniminis mei partem , id est, quadringentas arvi segetes , donandi . relinquendi cuicumque voluerit . majori minori ve persone cum omnibus vtensilibus quæ juste ad ipsam insulam pertinere dinoscuntur . quam solicole consueverant rusticana locucione Suthereye appellare . nunc et tunc paludibus aquosis piscosisque fluctibus aquarum circumvallatam , omnibus manifestum est . Hec autem præfata donacio firma permaneat quamdiu Christianitas in gente Anglorum aut ecclesiis Dei electorumque ejus ecclesiastice normule fulgeant mentibus fidelium . Hanc vero prænotatam munificenciam incipiente anno tercio regni mei roboravi atque confirmavi . ut omnibus mundialibus coangustiis sit libera , nisi quod nostro communi labori pertinet . Minime cuiquam in oblivione istud tradendum est . Si quis benivola mente augere voluerit archos supernorum civium et gubernatur ter[r]estrium retribucionem in eternis habitaculis dignetur concedere . si quis autem contra hoc decretum incessus fuerit in examine tremendi judicii sciat se demoniacis agminibus ad Tartara subtrahi et dimersum in eternis stigeys ferventis Orci , nisi prius singultacionibus sue temeritatis audaciam emendare curaverit .
Scribitur etiam in ista regis Eadmundi collacione Anglice ipsius tenor carte principalis de verbo ad verbum . quam quidem tum propter figurarum ignoranciam tum propter vocabulorum barbariem . præsentibus minime ad præsens duximus interserendam . In ejus tum calce sic continetur .
Acta est hec præfata donacio anno ab incarnacione domini nostri Jhesu Christi dcccclxii . Indiccione . xv .
+ Ego Eadmundus rex Anglorum præfatam donacionem cum sigillo sancte crucis confirmavi .
Ego Aedgiua regis mater consignavi .
+ Ego Eadred ejusdem regis frater consensi .
[Ego] Theoddred Londoniensis ecclesie episcopus subarravi .
Ego Aelpheg Wintoniensis ecclesie episcopus triumphalem tropheum agie crucis inpressi .
Ego Kenwald episcopus consensi .
Ego Ælfric episcopus consignavi .
Ego Ælfred episcopus confirmavi .
Ego Burthric episcopus consensi .
Ego Aethelgar episcopus roboravi .
Wlfgar dux .
Aethelstanus dux .
Aethelwold dux .
Aelhelm dux .
Aethelmund dux .
Odda miles .
Wlfgar miles .
Eadmundus miles .
Wlflas miles .
Aelfric miles .
Aelstan miles .
Aelfstan miles .
Aelfheg miles .
Ethered miles .
Aelfsige miles .
Aeþered miles .
Withgar miles .
Wlfric miles .
Aelffige miles .
Wlfhelm miles .