S 994

A.D. 1042. King Harthacnut to Ælfwine, bishop of Winchester; grant of 1 hide (mansa) at Seolescumb (probably Coomb in East Meon, Hants.). Latin with English bounds.

Archive: Winchester, Old Minster

MSS: 1. BL Harley Ch. 43 C. 8 (s. xi med.; BM Facs., iv. 24)
2. BL Add. 15350, 111r (s. xii)
3. BL Harley 596, 19v-20v (s. xvii)

Printed: K 763; Pierquin, Recueil, pt 6. no. 17.

Comments: Bond 1878, p. 7, MS 1 contemporary; Grundy, Hants. 1926, pp. 220-1, on bounds; Finberg, ECW, no. 158, authentic; Chaplais 1965, p. 60 n. 105, compares script of MS 1 with that of S 1008 (= 1973, p. 42 n. 105); Hart 1970/1, p. 36 (no. 191), original; Bishop 1971, p. 23, on script; HRH, p. 233, probably original, subscriptions are consistent; Keynes 1980, p. 126 n. 136; Dumville 1993, pp. 132-4, on script of MS 1.

+ In nomine altithroni qui cuncta supra simul et in imis gubernat atque regit. Quique sua multimoda potentia omnibus ut uoluerit finem imponit, et de secretis humanae naturae mysteriis docet ut cum his fugitiuis et sine dubio transitoriis possessiunculis, iugiter mansura et aeternaliter regna mercanda dei suffragio adipiscenda sunt. Qua de re ego Harðacnut diuina mihi arridente gratia rex Anglorum, et aeque totius Albionis, aliquam ruris partem, unam uidelicet mansam, illo in loco qui a solicolis Seolescumb est dictus, in perpetuam haereditatem condono Ælfuuino Uuintoniensis ciuitatis episcopo, pro eius amabili subiectione atque obedientia, ut telluris illius partiunculam cum omnibus ad se rite pertinentibus, aeternaliter possideat quamdiu uitam habeat; et post generalem transitum qui cunctis certus constat, cuicumque haeredi uoluerit in perpetuum derelinquat. Terra uero praenominata in omnibus sit libera sibi suisque successoribus, praeter arcis pontisue constuctione, expeditionisque adiuuamine. Si quis, quod absit, diabolico inflatus spiritu, hanc meae compositionis ac confirmationis breuiculam demere uel infringere temptauerit, sciat se diuinis carere muneribus, et poenis subiacere perpetuis, nisi citius emendauerit hoc quod contra nostrum decretum deliquit. Et quicumque hoc nostrum stabilire uoluerit donum, omne habeat bonum in saecula saeculorum. Praedicta siquidem tellus his circumcincta clarescit limitibus.

Ðis synd ða landgemæra to ðære hide æt Seolescumbe. Ærest of Seolesburnan andlang ðæs beces; of ðam bece suð andlang ðæs weges on Leofwines dene; of Leofwines dene east andlang ðæs weges on bradan lea; of ðam lea suð andlang weges on Citware mearce; of Citware mearce west innan Seolescumb.

Anno dominicae incarnationis millesimo quadragessimo secundo, indictione decima, uiginti sex epactis occurrentibus, et quatuor concurrentibus adplaudentibus, propalata est haec libertas ad notitiam principum his literis, quorumque principum onomata inferius ita sunt designata.

+ Ego Harðacnut rex totius Britanniae praefatam meam donationem cum sigillo sanctae crucis regali stabilimento affirmaui.
+ Ego Ælfgyfu eiusdem regis mater hanc regalem donationem cum trophaeo agiae crucis ouanter diuulgaui.
+ Ego Eadsinus archiepiscopus triumphalem agiae crucis trophaeum huic regio muneri gaudenter impressi.
+ Ego Ælfricus archipraesul hanc territoriam scedulam signo sanctae crucis diligenter adsignare curaui.
+ Ego Ælfwinus Uuintoniensis episcopus consolidaui.
+ Ego Beorhtwoldus Uuiltuniensis episcopus coadunaui.
+ Ego Ælfweardus Lundoniensis episcopus corroboraui.
+ Ego Lyfingus Cridiensis episcopus confirmaui.
+ Ego Æðelstanus Herfordensis episcopus consigillaui.
+ Ego Eadnoðus Dorcensis episcopus consensi.
+ Ego Duduco Uuillensis episcopus consensi.
+ Ego Grimkillus Australium Saxonum episcopus condixi.
+ Ego Wulfsinus Licetfeldensis episcopus conclusi.
+ Ego Brihtwinus Scirburnensis episcopus commodum duxi.
+ Ego Godwine dux.
+ Ego Leofric dux.
+ Ego Siwerd dux.
+ Ego Ðurig dux.
+ Ego Ælfwine abbas.
+ Ego Æðelwerd abbas.
+ Ego Siwerd abbas.
+ Ego Leofsige abbas.
+ Ego Æðelstan abbas.
+ Ego Ælfstan abbas.
+ Ego Osgod minister.
+ Ego Ordgar minister.
+ Ego Ðurgils minister.
+ Ego Odda minister.
+ Ego Brihtric minister.
+ Ego Carl minister.
+ Ego Attser minister.
+ Ego Ðured minister.
+ Ego Ælfstan minister.
+ Ego Bryxsige minister.