S 982
A.D. 1028 x 1035. King Cnut to Fécamp Abbey and Abbot John; grant of land at Brede and Rammesleah, with its port, and 'two parts' of the tolls at Winchelsea, Sussex, with confirmation (A.D. 1040 x 1042) by King Harthacnut. Latin.
Archive: Fécamp
MSS: Paris, B.N., Collect. Moreau xxi, pp. 18-19 (s. xviii)
Printed: Haskins 1918, pp. 343-4.
Comments: Haskins 1918, pp. 342-4, confirmation authentic but charter dubious; Matthew 1962, p. 20; Keynes 1991/1, p. 176 n. 18; Lawson 1993, p. 66 n. 29, suspect; Keynes 1997, p. 208 n. 30, suspect.
Ego Chanut Dei gratia Anglorum rex, non immemor humane fragilitatis inmo vero accensus et compunctus desiderio sempiterne felicitatis, ad contegendam anime mee nuditatem elegi mihi aliquo modo promereri sanctam et individuam Trinitatem. Quare unam terram que Bretda vocatur, alia vero que Rammesleah dicitur cum portu suo omnibusque rebus ad se pertinentibus, eiusdem Sancte Trinitatis monachis in cenobio Fiscannensi sacrosancto nomini regulariter mancipatis perpetualiter obtinendam contradidi et ut nostrum beneficium inviolabile permaneret regali gravitate roboravi, quatinus ipsi me suis meritis ad celestia indesinenter studeant elevare quos ego in terrene necessitatis onere aliquo modo studeo relevare. Sicut ergo rex Aethelredus predictam terram eisdem Dei servis se daturum promisit sed morte preventus minus hoc adimplevit, ita ego eis iure perpetuo eam subicio et sine ulla contradictione in posterum possidendam regali auctoritate decerno. Insuper ego predictus rex Chanut dono tribuo et concedo duas partes telonei in portu qui dicitur Wincenesel predicto monasterio Fiscannensi in manu domni abbatis Iohannis.
Ego Aelveva regina huic dono consensi.
Ego Aeffie episcopus subscripsi.
Ego Leffie episcopus signavi.
Gaudium, pax et karitas huic libertatis consensientibus amen.
Ego quoque Hartacanut filius prescripti Chanus regis Danorum et Anglorum huic patris mei donationi subscribere iussi et manu propria firmavi firmandamque fidelibus meis mandavi, quorum nomina asscribere rogavi.
+ Ego Aeleva regis mater hanc donationem firmavi.
Ego Goduinus comes huic donationi libentissime consensi.
+ Signum Sewardi comitis, Ansgoth, Clapp, Stigan capellanus, Etwolth, Herman, Alwinesmelt, Spiritus, Osbert, Acchiersum, Bricsih, Geron, Aizor, Turchil, Swen, Theustul, Eusten, Tovi, Turgil.