S 928
A.D. 1012. King Æthelred to Morcar, his minister; grant of 2 hides (mansae) at Ecgintune (probably Eckington, Derbys.). Latin.
Archive: Burton
MSS: Aberystwyth, N.L.W., Peniarth 390, 184r = p. 367 (s. xiii med.)
Printed: Hart, ECNE, pp. 244-5; Sawyer, Burton, no. 37.
Comments: PN Derbys., p. 459, identifies as Egginton, near Burton; Hart, ECNE, no. 113 and pp. 245-7, probably authentic, modelled on charter of King Athelstan, refers to Eckington; Dumville 1979, p. 8, document extensively modelled on charter of Athelstan's reign; Sawyer, Burton, pp. xxvi-vii, probably refers to Eckington, p. 72, dependence on earlier formulas is so great that charter must be spurious; Keynes 1980, p. 44 n. 77, p. 125 n. 135, 266, authenticity uncertain; Keynes 1980/1, p. 217, draftsman's imitation of earlier formulas need not condemn the text.
Carta Æþelredi regis de Egentona . anno domini .mxii.
+ Flebilia fortiter detestanda totillantis seculi piacula diris obcene horrendeque mortalitatis circumsepta latratibus . non nos propria indepte pacis securos . set quasi fetide corruptele in voraginem casuros prouocando ammonent vt ea toto mentis conamine cum casibus suis non solum despiciendo sed etiam uelud fastidiosam melancolie nausiam abhominando fugiamus tendentes ad illud euuangelicum . date et dabitur uobis . Qua de re infima quasi peripsema quisquiliarum abiciens superna ad instar preciosorum monilium eligens . animum sempiternis gaudiis figens ad nanciscendam melliflue dulcedinis misericordiam . perfruendamque infinite leticie iocunditatem ; ego Æþelredus rex Anglorum per omnipatrantis dexteram que Cristus est tocius Britannie regni [s]olio sublimatus quandam telluris particulam meo fideli ministro Morcero . id est duas mansas in illo loco qui solicole æt Ecgintune vocitant libenter tribuo . vt ille eam sine iugo honerosi vectigalis cum pratis . pascuis . siluis . riuulis . omnibusque ad eam vtilitatibus rite pertinentibus libenter ac eternaliter quamdiu uerberanti ocellorum conuolatu . auraque spirabili potiatus habeat . et post generalem qui omnibus certus incertusque homunciis constat transitum . cuicumque successionis heredi uoluerit condonando derelinquat . et perpetualiter contradat . Predictum siquidem rus hiis terminis circumcincta patescit et cetera . Si hoc quod fieri non optamus aliquis tipho supercilii turgens hanc mee donacionis breuiculam elidere aut infringere conauerit ; sciat se ultima contionis die classica clangente archangeli salpice . tumulis sponte dehiscentibus somata diu fessa relinquentibus . omnibus pauefactis creaturis cum Iuda melius non nato . impiisque contra Cristum confligentibus Iudeis . quia non dictus proditor a satoris prosato filius perditionis dicitur . eterna dampnatione edacibus innumerabilium tormentorum flammis periturum . Huius namque a Deo inspirante atque inuente voluntatis scedula . anno domini incarnationis .mxii. episcopis . abbatibus ducibus . patrie procuratoribus regia dapsilitate ouantibus perscripta est . cuius etiam inconcusse firmitatis auctoritas hiis testibus roborata constat . quorum nomina subtus caracteribus depicta annotantur .
+ Ego Æþelredus singularis priuilegii ierarchia preditus rex huius indiculi fulcimentum cum signo sancte semperque amande crucis corroboraui et subscripsi .
+ Ego Æþelstanus cliton consensum prebui figens crucem . + Ego Eadmund illius supradicti regis filius consensi et subscripsi . + Ego Wulfstanus Eboracensis ecclesie archiepiscopus consensi . et ceteri episcopi ; x . abbates ; vii . duces ; iiii . et ministri xvii .