S 851
A.D. 983. King Æthelred to Wulfgar, his man; grant of 3 hides (mansae) at Drayton and 1.5 at Sutton, Berks. Latin.
Archive: Abingdon
MSS: BL Cotton Claud. B. vi, 94rv (s. xiii)
Printed: K 1280; Stevenson, Chron. Abingdon, i. 386-8; Pierquin, Recueil, pt 5, no. 33; Kelly, Abingdon, no. 120.
Comments: Finberg 1972, p. 488, on reference to common land; PN Berks., ii. 406, 424, iii. 702; Gelling, ECTV, no. 118, authentic; Keynes 1980, p. 85 n. 7, pp. 86-8, 120 n. 120, p. 161 n. 29, p. 233 n. 10, p. 242, authentic; Kelly, Abingdon, no. 120, authentic; cf. S 897.
Rubric: Carta regis Adelredi de duabus hidis .......
In Domini nostri Iesu Christi onomate in perpetuum regnantis, cuius maiestas nec incipit nec desiuit in seculum, cuius quidem prouidentia diuinarum humanarumque rerum cognitio gubernatur ac custoditur. Quamdiu uidelicet presentis uite prosperitas nobiscum comitari cognoscitur, celesti suffragio huius exilii atque cecitatis laqueum abrumpere festinemus ut ad futuram nobis adipiscendam celestis regni beatitudinem scandere ualeamus. Quapropter ego Aþelred, tocius Anglorum gentis basileos ceterarumque nationum in circuitu degentium primatum gerens, cuidam fideli meo homini uocitato uocamine Wulfgar modicam mei proprii iuris terre partem, id est .iiii. mansas et dimidiam in communi terra duobus locis diuisas, .iii. uidelicet mansas in loco qui Anglica appellatione dicitur Drætun et unam mansam et dimidiam in uilla qui uocatur Suðtun in perpetuam concedo hereditatem, quatenus uite sibi comite habeat ac possideat; cum autem dissolutionem sui corporis imminere cognouerit, cuicumque sibi libuerit heredi commendet ut supradiximus in eternam possessionem. Sit autem huius nostre donationis libertas ab omni fiscali tributo et secura maneat sine aliquo obstaculo cum omnibus ad se pertinentibus, campis, pascuis, pratis, siluis aquarumque cursibus, exceptis tribus, expeditione, pontis constructione arcisue munitione. Si qui denique mihi non optanti hanc libertatis cartam cupiditatis liuore depressi uiolare satagerint, cum agminibus tetre caliginis lapsi uocem audiant examinationis die magni iudicii sibi dicentis, 'Discedite a me maledicti in ignem eternum' ubi cum demonibus ferreis sartaginibus crudeli torqueantur in pena, si non ante mortem digna hoc emendauerint penitentia.
Anno ab incarnatione Domini nostri Iesu Christi .dcccclxxxiii., indiccione .xi., his testibus consentientibus quorum inferius nomina caraxari uidentur.
+ Ego Aþelred rex Anglorum huius donationis libertatem regni totius fastigium tenens libenter concessi.
+ Ego Dunstan Dorouernensis ecclesie archiepiscopus cum signo sancte crucis roboraui.
+ Ego Osuuold Eboracensis ecclesie episcopus crucis taumate adnotaui.
+ Ego Aþeluuold episcopus confirmaui.
+ Ego Ælfstan episcopus corroboraui.
+ Ego Aþelgar episcopus consolidaui.
+ Ego Ælfstan episcopus consignaui.
+ Ego Æscuuig episcopus consensi.
+ Ego Sigar episcopus conclusi.
+ Ego Aþelsie episcopus impressi.
+ Ego Wulfgar episcopus adquieui.
+ Ego Aþeluuine dux.
+ Ego Bryhtnoð dux.
+ Ego Aþeluueard dux.
+ Ego Ælfric dux.
+ Ego Ælfric dux
+ Ego Ðureð dux.
+ Ego Ordbriht abbas.
+ Ego Siric abbas.
+ Ego Aþeluueard abbas.
+ Ego Leofric abbas.
+ Ego Ælfuueard minister.
+ Ego Ælfsige minister.
+ Ego Ælfgar minister.
+ Ego Uulfsige minister.
+ Ego Aþelsige minister.
+ Ego Leofuuine minister.
+ Ego Ælfric minister.
+ Ego Leofric minister.
+ Ego Leofstan minister.
+ Ego Uulfric minister.