S 839
A.D. 982. King Æthelred to Ælfgar, his minister; grant of 5 hides (cassati) in the common land at Charlton near Wantage, Berks. Latin.
Archive: Abingdon
MSS: BL Cotton Claud. B. vi, 93v-94r (s. xiii)
Printed: K 1278; Stevenson, Chron. Abingdon, i. 384-5; Pierquin, Recueil, pt 5, no. 32; Kelly, Abingdon, no. 118.
Comments: Finberg 1972, pp. 488, 490; HRH, p. 234, subscriptions are consistent; Hart, ECNE, p. 215, note on formulation; PN Berks., ii. 474; Gelling, ECTV, no. 117, authentic; Keynes 1980, pp. 183-4, on beneficiary, p. 240, authentic; Kelly, Abingdon, no. 118, authentic; cf. S 634.
D. BL Cotton Claudius B. vi, 93v-94r: copy, s. xiii
Rubric: Carta regis Adelredi de Cheorletun.
A sceptrigera maiestatis eterne moderatione theo cunctorum uigente primordio transitorie copia felicitatis, idcirco possidentibus relinquitur ut eo creatori fideliter suo sedula mentis alacritate se ad obsequendum promptus exhibeat quo sibi cetera uiderit elementa diuinitus fore subiecta. Quam ob rem ego Aþelredus, Anglice nationis Christo annuente basileos, quandam ruris particulam .v. uidelicet cassatos cuiusdam loco sed communis terre qui celebri æt Ceorlatune nuncupatur uocamine, cuidam meo ministro uocitato nomine Ælfgar ei ouanter tribuendo concessi, ut terram iam prefatam tramitibus sue possideat iure, deinde namque sibi succedenti cuicumque uoluerit heredi derelinquat in eternam hereditatem. Maneat igitur meum hoc immobile donum eterna libertate iocundum, cum omnibus que ad ipsum locum pertinere dinoscuntur, tam in magnis quam in modicis rebus, campis, pascuis, pratis, siluis, excepto communi labore, exeditione, pontis arcisue constructione. Si quis igitur infeste rapacitatis macula seductus hoc nostre munificencie donum in quolibet aliud quam constituimus euertere conatus fuerit, sequestratus a communione sancte Dei ecclesie et ab eterni regni patricipatione, gehennalis incendii globis absorbtus, eterne dampnationis amaritudinibus inuoluatur, si non satisfactione penituerit congrua quod nostro perpetue decreto contraire nichili pendebat. Rus namque pretaxatam manifestis undique terminis minus diuiditur, quia iugera altrinsecus copulata adiacent.
Acta est prefata donatio anno ab incarnatione Domini nostri Iesu Christi .dcccclxxxxii.
+ Ego Aþelred rex Anglorum prefatam donationem indeclinabiliter concessi.
+ Ego Dunstan archiepiscopus confirmaui.
+ Ego Osuuold archiepiscopus subarraui.
+ Ego Aþeluuold episcopus consignaui.
+ Ego Ælfstan episcopus impressi.
+ Ego Æscuuig episcopus consensi.
+ Ego Aþelgar episcopus corroboraui.
+ Ego Aþelsige episcopus subscripsi.
+ Ego Aþulf episcopus conclusi.
+ Ego Ælfhere dux.
+ Ego Aþeluuine dux.
+ Ego Byrhtnoð dux.
+ Ego Aþeluuerd dux.
+ Ego Aþelmær dux.
+ Ego Eaduuine dux.
+ Ego Ordbyrht abbas.
+ Ego Sigric abbas.
+ Ego Aþeluuerd abbas.
+ Ego Byrhtnoð abbas.
+ Ego Leofric abbas.
+ Ego Ælfheh abbas.
+ Ego Ælfhun abbas.
+ Ego Aþeluuerd minister.
+ Ego Ælfric minister.
+ Ego Uulfsige minister.
+ Ego Ælfsige minister.
+ Ego Ælfgar minister.
+ Ego Aþeluuerd minister.
+ Ego Aþelsige minister.
+ Ego Leofric minister.
+ Ego Ælfric minister.
+ Ego Uulfric minister.
+ Ego Leofric minister.