S 7
A.D. 675 (1 April). Hlothhere, king of Kent, to St Peter's Minster (St Augustine's), Canterbury; grant of 3 sulungs (aratra) in Stodmarsh, Kent. Latin.
Archive: Canterbury, St Augustine's
MSS: Cambridge, Trinity Hall, 1, 52rv (s. xv)
Printed: K 9; Hardwick, Elmham, pp. 248-9; B 36; Kelly, St Augustine's, no. 6.
Comments: Stevenson 1914, p. 703 'seems to be genuine'; Turner 1915, p. xxiii, 'no special reason for doubting its general tenor', cf. pp. xliii-ix; Stenton 1918, p. 434 n. 5, genuine, p. 436 n. 13 on dating elements (= Stenton 1970, p. 49 n. 2, p. 50 n. 3); Wallenberg, KPN, p. 9, on place-names; Stenton 1955, pp. 34-5, authentic; John 1960, pp. 4, 26, 50; Kirby 1963, p. 517, on date; Cox 1976, pp. 27, 30, 33, 40, on place-names; Harrison 1976, pp. 80-1, on date; Whitelock 1976, pp. 142-3, on date; Scharer 1982, pp. 63-5, spurious; Wormald 1985, p. 25, broadly trustworthy; Sparks and Tatton-Brown 1987, p. 202; Kelly, St Augustine's, pp. 27-30, authenticity uncertain, but present text probably does rely on a genuine 7th-century record.
Rubric: Carta eiusdem regis Lotharii de manerio de Stodemerch'.
In nomine Domini Dei et saluatoris Iesu Christi. Ego Lotharius rex Cantuariorum, anno regni nostri primo, indictione tercia, sub die kalendarum Aprilis, cum concilio uenerabilis archiepiscopi Theodori atque consensu primorum meorum, terram trium aratrorum in marisco qui appellatur Stodmerch' iuxta Fordeuuicum, cum pratis, campis, siluis, fontanis, paludibus, fluminibus et omnibus ad eandem pertinentibus rebus in ipsa quantitate sicut antiquitus predecessores mei reges predicta libere tenuerunt, abbati et monasterio beati Petri apostolorum principis quod situm est iuxta ciuitatem Dorouernis in suburbio in sempiterno possidenda concedimus et confirmamus, ita ut nec nobis nec aliquibus successorum nostrorum regum siue principum aut ecclesiasticarum dignitatum gradibus nefario temeritatis ausu aliquando infringere uel diminuere aliquid de donacione nostra liceat, sed pro remedio anime mee et absolucione peccatorum meorum ita ut predixi famulis Dei absque aliqua lesione omnia predicta in euum stabilia permaneant. Quisquis autem heredum successorumque meorum regum Cancie uel si quilibet secularium dignitatum aut etiam ecclesiasticarum de supradicta donacione, quam pro eterna remuneracione anime mee omnipotenti Deo ad utilitatem famulancium ei in ius monasteriale constat esse largitum, aliquid disrumpere aut immutare uel irritum facere tentauerit, sciat se sine dubio omnipotenti Deo fraudem facere et proinde coram eo et sanctis angelis eius eterno anathemate reum. Quicunque uero hec que largita prediximus sub pia proteccione custodierit uel Dei intuitu misericorditer auxerit, sit benedictus in secula audiatque in die nouissimo tremendi examinis ab ipso iudice omnium Christo Domino eterne benediccionis uocem, Venite benedicti patris mei percipite regnum quod uobis paratum est ab origine mundi,1 manente igitur hac cartula in sua semper firmitate, cum religiosis testibus signo dominice crucis in hoc loco qui dicitur Dorouernis stabiliter in euum confirmamus.
+ Ego Lotharius rex Cancie suprascripta signo sancte crucis per propriam manum roboraui.
+ Ego Theodorus gratia Dei archiepiscopus rogatus a rege subscripsi.
+ Ego Adrianus abbas indignus subscripsi.
+ Signum manus Ecca.
+ Signum Osfridi.
1 See Matt. xxv: 34