S 674
A.D. 958. King Edgar to Ælfheah, his minister; grant of 5 hides (cassati) at Orton (Waterville), Hunts. Latin.
Archive: Peterborough
MSS: 1. BL Egerton 2733, 42v-44v (s. xiii)
2. London, Soc. Ant., 60, 31r-32r (s. xii med.)
3. Peterborough, D. & C., 1, 128r (s. xiii)
Printed: K 471 ex MS 2; Mon. Angl. (rev. edn), i. 381-2 (no. 7) ex MS 2; B 1043.
Comments: PN Hunts., p. 193; Whitelock 1959, p. 75, authentic; Hart, ECEE, no. 10, authentic, cf. S 679; Sawyer, Burton, p. 20, perhaps same beneficiary as S 554; Keynes 1980, p. 69, compare S 679, example of 'centralized' production in 958; Hart 1992, pp. 449-52.
De Ovirtona .
+ Regnante in perpetuum domino nostro Jhesu Christo .
Omnibus prudentibus qui Deifice contemplationis beatitudinem in mentis suæ hospicio cernere cupiunt manifestissimis signis constat quod quisque potis est transitoriis . imis alta celestia sine fine mansura capescere .
Iccirco ego Ædgar industrius Anglorum rex ceterarumque gentium in circumitu persistentium gubernator et rector . Secundo anno imperii mei litteratoriis apicibus roboravi . quod cum consensu heroicorum virorum cuidam meo ministro vocitato nomine Ælfege . id est . V . cassatos eternaliter tradendo concessi ubi turbarum collatione jam dudum nomen illatum hoc adesse profertur . æt Ofertune .
Ut terram jam præfatam meo scilicet ovante concessu tramitibus suæ possideat vitæ . Deinceps namque sibi succedenti cui voluerit heredi derelinquat ceu prædixi illi in æternam hæreditatem . Maneat igitur meum hoc immobile donum eterna libertate jocundum cum omnibus quæ ad ipsum locum pertinere dinoscuntur . tam in magnis quam in modicis rebus . campis . pascuis . pratis . silvis .
excepto communi labore expeditione . pontis arcisve coedificatione .
Si qui denique mihi non optanti hanc libertatis kartam livore depressi violare satagerint . agminibus tetræ caliginis lapsi vocem audiant examinationis die arbitris sibi dicentis . 'Discedite a me maledicti in ignem eternum'1 ubi cum demonibus ferreis sartaginibus crudeli torqueantur in pena . si non ante mortem digna hoc emandaverint penitentia .
Acta est hec præfata donatio anno dominice incarnationis . DCCCCLVIII . indictione prima .
Ego Ædgar rex Anglorum indeclinabiliter concessi .
Ego Oskytel episcopus consensi et subscripsi .
Ego Dunstan episcopus consensi et subscripsi .
Ego Kynesie episcopus consensi et subscripsi .
Ego Athulf episcopus consensi et subscripsi .
Ego Leofuuine episcopus consensi et subscripsi .
Ælfhere dux .
Urm dux .
Æthelstan dux .
Gunner dux .
Æthelmund dux .
Adeluuold dux .
Byrhtnoth dux .
Uthred dux .
Ælfuuine minister .
Wlfhelm .
Ælfuuine .
Sigulf .
Wlsige .
Wlfnoth .
Æthelstan .
Ætheluuard .
Ædeluuold .
Sigered .
Ælfred .
Æthelsige .
Ælfuuold .
Thurkytel .
Thurmod .
Vfa .
Æthered .
Ælfsige .
Ælfnoth ministri .