S 1206

1. A.D. 918 x 924. Goda, optimas and minister, to Wiohstan; grant of 4 hides (cassati) at Up Marden, Sussex, with a note of Wiohstan's purchase of a further hide (manens), presumably at Marden, from Alfred and his wife Ealhswaru.

Archive: Selsey

MSS: Chichester, West Sussex R.O., Ep. VI/1/2 (), 20rv (s. xiv)

Printed: Mon. Angl., iii. 121; K 368; Mon. Angl. (rev. edn), vi. 1166-7 (no. 20); B 640; Barker 1948, pp. 136-8, with translation; Kelly, Selsey, no. 16.

Comments: Barker 1848, pp. 138-9; O'Donovan 1973, p. 10, cited; Kelly, Selsey, pp. 66-70, based on authentic documentation but in its present form probably a combination of several records including a royal diploma of King Athelstan and at least one Old English document.

Rubric: Carta Gode optimatis de .iiii.or cassatis in Upm'done

In nomine ab alto cuncta cernentis. Goda optimas ministerque regalis, cum consilio et licencia Edwardi regis, iure hereditario Wiohstano, quia eius filiam in coniugio habebat, .iiiior. cassatos in loco quem solicole Upmeredone uocitant dedit. Illeque Wiohstan postea unius terram manentis ab Elfredo et a coniuge sua Ealfware eternaliter ad possidendam, cum pratis, pascuis, siluis, riuulis omnibusque ad eam utilitatibus rite pertinentibus, pecunia emit. Probataque donacio empta iuxta stagnum quod Blakenmere appellatur facta est, cuius etiam testes assentientes hii fuerunt. Edwardus rex, Wyghelyn episcopus, Hehferd dux, Eadwald, Edelstan, Effred, Wulfrige, Goda, Brenhelm, Dudda, et [?].

Post interliminum temporis predictus Wiohstan cum uxore et filio proficescens ad Romam, eandem hereditalium cassatarum terram, licencia ab Ethelstano rege percepta, Wulhuno episcopo pro duobus denariorum milibus argenti, quibus insuper denariis uno adiuncto equo, in perpetuam hereditatem tradidit. Episcopus namque, ut huius terre empcio firma et rata esset sibique perpetualiter perduraret, deprecabatur regem ut sue manus suorumque optimatum inscripcionem huic sirographo imponeret. Quodque faciens, dixit: 'Qui hanc addere uoluerit bona domini in terra uideat uiuentium. Qui uero minuere, et per antiquam si superuenerit cartulam elidere temptauerit, sciat illam conticiscendo esse adnullatam, et semetipsum nouissima examinacionis die classica, archangeli clangente buccina, paliandria frigulis homulorum liquefactis tetra relinquentibus, cum Iuda impie prodicionis compilatore infaustis quoque Iudeis Christum ore sacrilego blasphemantibus eterna dampnacione edacibus fauillancium tormentorum flammis esse periturum.' Huius sane cedule testes et exactores sunt quorum subtus gammulis depicta annotantur. + Ego Eadwlstanus priuilegii ierarchia preditus rex hunc indiculum cum signo sancte semperque adorande crucis corroboraui et subscripsi. + Ego Wlfhelmus Dorobernensis ecclesie archiepiscopus corroboraui et subscripsi. + Ego Wlstanus Eboracensis ecclesie archiepiscopus consensi et subscripsi.