S 1017

A.D. 1048. King Edward to Tofig, his comes; grant of 2 hides (territoria) at Berghe. Latin.

Archive: Burton

MSS: Aberystwyth, N.L.W., Peniarth 390, 184v = p. 368 (s. xiii med.)

Printed: Barlow 1970, pp. 332-3; Hart, ECNE, pp. 248-50; Sawyer, Burton, no. 38.

Comments: Barlow 1970, p. 332, witness-list is sound, beneficiary is probably a thegn; HRH, p. 237, subscriptions are consistent; Hart, ECNE, pp. 250-2, probably authentic, may refer to Bergh Apton in Norfolk; Sawyer, Burton, pp. 74-5, probably authentic.

Carta sancti Eadwardi regis et confessoris . patroni Westm' . de Berghe . anno domini .mxlviii.

Px Adstipulatione siquidem sacri spermatis herilis promulgando intonat buccina mestiferam tremendi examinis ymeram prepeti fore subreptione occursuram glomeratis terrigenum vniuersalis vbi astabit cuneus ac cunctitonantis almifluo altithroni clangente diathemate ac in diecula palatinis raptim collegio addicti contubernialibus lucicomi nasciscuntur poli ciuilia acta quorum lanx trutinando fore probat faustissima quorumque eneruit studia probis actionibus extant classia imperpetua ceu cleronomi multabuntur erumpna . ac pro talione infanda gehennalis Stycgie sine meta haurient infernalia . Quapropter ego Eadweard tocius Albionis basileos mee donationis arte libere fruens quandam telluris particulam . ii . videlicet territoria in loco qui ab incolis Berghe cognominatur cuidam mihi fideli comiti Touig vocitamine in perpetuam hereditatem donant' concedo . vt habeat ac possideat quamdiu vitali calore arctus caluerint . et post vite sue terminum cuicumque sibi libuerit sine aliquo scrupulo in hereditariam libertatem concedat . Tellus autem predictum sit cum omnibus ad eandem rite pertinentibus . campis . pascuis . siluis . aquarum riuulis ab omni mundiali obstaculo liberum . tantum expedicione . pontis arcisve restauracione exceptis . Quod si quispiam hanc nostre donacionis libertatem inuidie face turgens euertere conatus fuerit ; cum Pilato et Iuda Scariothen . Caypha quoque eorumque commanipularibus eternaliter Acherontica combustione trudatur ; nisi ante mortis articulum satisfactione penituerit congrua quod nostre donacionis presumpsit violare quod absit statuta. Hiis nempe metis rus antescriptum circumcingitur . et cetera . Acta est autem hec mea donacio anno ab incarnacione . domini nostri Iesu Cristi .mxlviii. indictione .ii. hiis testibus consentientibus quorum nomina hic inferius karraxantur

+ Ego Eadweard rex Anglorum cum triumpho sancte crucis hoc donum immobile corroboraui .
+ Ego Eazi archiepiscopus regie roborator donationis agye triumphale crucis signaculum depinxi .
+ Ego Ælfric archiepiscopus triumphale tropheum agye crucis impressi .
+ Ego Æðelstan episcopus consolidaui .
+ Ego Eadnoð episcopus cosummaui .
+ Ego Stigand episcopus confeci
+ Ego Aldred episcopus adquieui .
+ Ego Duduc episcopus subscripsi
+ Ego Rodbeard episcopus consensum prebui .
+ Ego Ægelweard abbas
+ Ego Wulfric abbas
+ Ego Ælfwine abbas
+ Ego Leofstan . abbas
+ Ego Leofsig . abbas
+ Ego Earnwig . abbas
+ Ego Oswig . abbas
+ Ego Godwine . dux
+ Ego Leofric . dux
+ Ego Siward dux
+ Ego Harold dux
+ Ego Beorn . dux
+ Ego Leofwine minister .
+ Ego Tostig minister
+ Ego Ælfstan minister
+ Ego Ælfgar minister
+ Ego Odda . minister
+ Ego Ordgar . minister
+ Ego Ordulf minister
+ Ego Brihtric minister
+ Ego Ælfwine . minister