S 1538
A.D. 984 x 1016 (probably 984 x 1001). Will of Wulfwaru, including bequests of land at Freshford, Somerset, to Ælfhere, abbot of Bath; at Claverton, Compton and Butcombe, Somerset, to Wulfmær, her son; at Butcombe to Ælfwaru, her daughter; at Leigh, Holton, Somerset, and at Hocgestune, to Ælfwine, her son; at Winford, Somerset, to Gode, her daughter. English.
Archive: Bath
MSS: Cambridge, Corpus Christi College, 111, pp. 88-90 (s. xii2)
Printed: Hickes, Diss. Epist., p. 54; K 694; Mon. Angl. (rev. edn), ii. 265 (no. 5); Thorpe, pp. 528-31, with translation; Hunt, Bath Carts., pp. 32-3; Whitelock, Wills, no. 21 (pp. 62-5), with translation.
Translated: Whitelock, EHD, no. 116 (pp. 567-8).
Comments: Whitelock, Wills, pp. 174-5; Finberg, ECW, no. 524, authentic; Chaplais 1966/1, p. 173, on epistolary aspects (= 1973, p. 58); Finberg 1972, p. 510 n. 3, p. 519, cited; Whitelock, EHD, p. 567; Pelteret 1995, pp. 128, 288; Abrams 1996, p. 96 n. 116, p. 139, on estates.
Ic Wulfwaru bidde minne leofan hlaford Æþelred kyning him to ælmyssan. þæt ic mote beon mines cwydes wyrðe. Ic kyðe þe leof her on ðisum gewrite hwæs ic geann into Baðum to Sancte Petres mynstre. for mine earman sawle. 7 for minra yldrena þe me min ar of com. 7 mine æhta. þæt is þonne þæt ic geann ðæder into ðære halgan stowe anes beages is on syxtigum mancussum goldes. 7 anre blede is on þriddan healfon punde. 7 twegea gyldenra roda. 7 anes mæssereafes mid eallum þam ðe ðærto gebyreð. 7 anes hricghrægles þæs selestan þe ic hæbbe. 7 anes beddreafes mid wahryfte 7 mid hoppscytan. 7 mid eallum þam þe þærto gebyreð. And ic geann Ælfere abbode þæs landes æt Ferscesforda. mid mete 7 mid mannum. 7 mid eallre tylðe. swa ðærto getilod bið. And ic geann Wulfmære minum yldran suna þæs landes æt Clatfordtune. mid mete. 7 mid mannum. and mid eallre tilðe. 7 þes landes æt Cumtune. mid mete. 7 mid mannum. 7 mid eallre tilðe. 7 þes landes æt Budancumbe ic geann him healfes. mid mete. 7 mid mannum. 7 mid eallre tilðe. healfes ic his geann Alfware minre gyngran dehter. mid mete. 7 mid mannum. 7 mid eallre tilðe. 7 dælon hi þæt heafodbotl him betweonan swa rihte swa hi rihtlicost magon. þæt heora ægðer his gelice micel habbon. And Ælfwine minum gyngran suna ic geann þes landes æt Leage. mid mete 7 mid mannum. 7 mid eallre tilðe. And þes landes æt Healhtune. mid mete 7 mid mannum 7 mid eallre tilðe. And þes landes æt Hocgestune. mid mete 7 mid mannum. 7 mid eallre tilðe. 7 ðritigra mancussa goldes. And ic geann Godan minre yldran dehter þes landes æt Wunfrod. mid mete. 7 mid mannum. 7 mid eallre tilðe. 7 twegea cuppena on feower pundum. 7 anes bendes on ðritigum mancussum goldes. 7 twegea preonas. 7 anes wifscrudes ealles. And Alfware minre gyngran dehter ic geann ealles þæs wifscrudes þe þer to lafe bið. And Wulfmære minum suna 7 Ælfwine minum oðrum suna. 7 Alfware minre dehter heora þreoðra ælcum ic geann twegea cuppena on godum feo. And ic geann Wulfmære minum suna anes heallwahriftes. 7 anes beddreafes. Ælfwine minum oðrum suna ic geann anes heallreafes. 7 anes burreafes. mid beodreafe. 7 mid eallum hræglum swa ðerto gebyreð. And ic geann minum feower cnihtum. Ælmære. 7 Ælfwerde. 7 Wulfrice. 7 Wulfstane. anes bendes on twentigum mancussum goldes. And ic geann eallum minum hiredwifmannum to gemanum anes godes casteneres wel gerenodes. And ic wylle þæt þa þe to minre are fon. þæt hi fi[n]don twentig freotmanna. Tyne be eastan. 7 tune be westan. and æfre ælce geare ealle gemænelice ane feorme into Baðum swa gode swa hi bezte þurhteon magon. to swylcre tide. swylce heom eallum þince þæt hi bezt. 7 gerisenlicost hi forðbringan magon. Swylc heora swylce þis gelæste. hæbbe he Godes milze and mine. And swylc heora swylce þis gelæstan nelle ; hæbbe he hit him wið ðone hehstan gemæne. þæt is se soðæ god. þe ealle gesceafta gesceop. 7 geworhte.