S 1465
A.D. 1032 or 1035. Declaration of arrangements made between Eadsige, priest, and Christ Church concerning land at Appledore, Warehorne, Berwick, Orpington, Palster and Wittersham, Kent. English.
Archive: Canterbury, Christ Church
MSS: 1. Lost
2. Canterbury, D. & C., Reg. A, 143r (s. xiii)
3. Canterbury, D. & C., Reg. E, 43v-44r (s. xiii)
4. BL Stowe 853, 29v-30v (s. xvii)
Printed: Somner 1726, pp. 213-16 ex MS 1; K 745; Thorpe, pp. 328-30, with translation; Robertson, Charters, no. 86 (pp. 170-3) ex Somner, with translation.
Comments: Wallenberg, KPN, pp. 317-20, on place-names; Robertson, Charters, pp. 419-20; Stenton 1970, p. 30 n. 2, on probable reference to silver standard of London husting; HRH, p. 236, presumably genuine; Sawyer 1978, p. 212, cited with reference to London husting; Brooks 1984, pp. 295, 387 n. 117, dated 1035 in main Christ Church cartulary, but 1032 in a 15th-century list of benefactors, either date possible; Lowe 1989, p. 296 n., on text; Lowe 1993b, on termonology.
Notes: Issued in triplicate, with copies retained by Christ Church, St Augustine's and Eadsige.
Her swutelaþ on þysan gewrite hu Cnut cyng 7 Ælfgifu seo hlæfdige geuþan Eadsige heora preost ða he gecyrde to munece þæt he moste ateon þæt land æt Apoldre swa him sylfan leofast wære. Þa sealde he hit into Cristescyrican þæt Godes ðeowum for his sawle, 7 he hit gebohte þæt æt þam Hirede his dæg 7 Ædwines mid feower pundan, on þæt forwyrd þæt man gelyste ælce geare into Cristescirican .iii. wæga cyses of þam lande, 7 þreo gebind æles, 7 æfter his dæg 7 Ædwines gange þæt lande into Cristescirican, mid mete 7 mid mannan eal swa hit þænne gegodod sy for Eadsiges sawle, 7 he gebohte þæt land æt Werhornan æt ðam Hirede his dage 7 Eadwines eac mid feower pundan, ðænne gað þæt land forð mid þam oþran æfter his dæge 7 Edwines into Cristescirican mid ðære tilþe þe þar þænne on si, 7 þæt land on his dæg æt Berwican ðe he geearnode æt his hlaford Cnute cynge, 7 he geunn eac þæs landes æt Orpedingtune on his dæge for his sawle into Cristescyrican ðam Godes ðeowum to scrudland, ðe he gebohte mid hundeahtigan marcan hwites seolfres be hustinges gewihte, 7 he geun eac ðæs landes æt Palstre 7 æt Wihtriceshamme æfter his dæge 7 Edwines forð mid ðam oðrum ðam Godes ðeowum to fostorlande for his sawle. Ðises cwides he geunn ðam Hirede to þam forwyrdan þæt hi æfre hine wel healdan, 7 him holde beon on life 7 æfter life, 7 gif hi mid ænegan unrede wið hine ðas forwyrd tobrecan, þænne stande hit on his agenan gewealde hu he siþþan his agen ateon wille. Ðises is to gewitnesse Cnut cyng, 7 Ælfgifu seo hlædige, 7 Æðelnoð Arcebiscop. 7 Ælfstan Abbod. 7 se Hired æt Sancte. Augustine, 7 Brihtric geounga 7 Æþelric bigenga, 7 Þorð Þurkilles nefa, 7 Tofi, 7 Ælfwine preost, 7 Eadwold preost, 7 ealle ðæs cynges rædesmen, 7 þissa gewrita synda .iii. an is æt Cristes cyrican, 7 an æt Sancte. Augustine 7 an hæfð Eadsige mid him sylfan.