S 1461
A.D. 1016 x 1020. Marriage agreement between Godwine and Brihtric including grant to Brihtric's daughter of land at Street and at Burmarsh, Kent. English.
Archive: Canterbury, Christ Church
MSS: Lost
Printed: Somner 1726, pp. 195-7 ex MS, with interlinear translation; K 732 ex Somner; Thorpe, pp. 312-13, with translation; Earle, pp. 228-9; Robertson, Charters, no. 77 (p. 150) ex Somner, with translation, p. 151.
Translated: Whitelock, EHD, no. 130 (p. 596-7) = no. 129 in 1st edn.
Comments: Somner 1726, pp. 75-6, a chirograph; Ward 1933; Robertson, Charters, pp. 397-9; HRH, p. 236, authentic; Whitelock, EHD, p. 596; BA Facs., p. 7; Pelteret 1995, pp. 166-7, 314.
Notes: Issued in triplicate, with copies retained by Christ Church, St Augustine's and Brihtric.
Her swutelaþ on þysan gewrite þa foreward þe Godwine worhte wið Byrhtric þa he his dohter awogode, þæt is ærest þæt he gæf hire anes pundes gewihta goldes wið þonne þe heo his spæce underfenge, 7 he geuþe hire þæs landes æt Stræte mid eallan þon þe þærto herð, 7 on Burwaramersce oðer healf hund æcera, 7 þærto þrittig oxna, 7 twentig cuna, 7 tyn hors . 7 tyn ðeowmen. Ðis wæs gespecen æt Cincgestune beforan Cnute cincge on Lyfinges arcebiscopes gewitnesse, 7 on þæs hiredes æt Cristescircan, 7 Ælfmeres abbodes, 7 þæs hiredes æt Sancte Augustine, 7 Æþelwines sciregerefan, 7 Siredes ealdan, 7 Godwines Wulfeages sunu, 7 Ælfsige cild, 7 Eadmer æt Burham, 7 Godwine Wulfstanes sunu, 7 Kar þæs cincges cniht, 7 þa man þæt mædan fette æt Byrhtlingan, þa eode þyses ealles on borh Ælfgar Syredes sunu, 7 Frerþ preost on Folcestane 7 of Doferan Leofwine preost, 7 Wulfsige preost, 7 Eadræd Eadelmes sunu, 7 Leofwine Wærelmes sunu, 7 Cenwold rust, 7 Leofwine Godwines sunu æt Hortune, 7 Leofwine se reade, 7 Godwine Eadgeofe sunu, 7 Leofsunu his broðer: 7 swa hwæðer heora læng libbe fo to eallan ætan ge on ðam lande þe ic heom gæf ge o ælcon þingan. Ðyssa þinga is gecnæwe ælc dohtig man on Kænt, 7 on Suþsexan on ðegenan 7 on ceorlan, 7 þyssa gewrita synd ðreo . an is æt Cristescyrcan, oðer æt Sancte Augustine, þæt þridde hæfð Byrhtric self.