S 1251a
A.D. 705. Aldhelm, bishop (of Sherborne), declares that he has agreed to remain abbot of his monasteries at Malmesbury, Frome and Bradford on Avon, Wiltshire, but confirms that the communities are to be free to elect their own abbots after his death. Latin.
Archive: Malmesbury
MSS: 1. BL Lansdowne 417, <4r> (s. xiv)
2. PRO E 164/24, (s. xiii)
3. Bodleian, Wood empt. 5, 19v-21v (s. xiii)
4. Oxford, Magdalen College, 172, (s. xii)
Printed: Wharton, Anglia Sacra, ii. 21-2; Alford 1663, ii. 451; K 54 ex Wharton; Giles, Aldhelmi Opera, p. 348; Thorpe, pp. 14-15; Hamilton, William of Malmesbury, G.P., p. 379; Brewer, Reg, Malm., i. 288; B 114; Ehwald, Aldhelmi Opera, pp. 514-16.
Comments: PN Wilts., p. 9; Watkin 1956, p. 212 and n. 42, citing Ehwald, probably genuine; Stenton 1971, p. 160, cited; Edwards 1988, pp. 115-16, fabricated, no indication of genuine basis; Abrams 1991, p. 118; Cubitt 1995, p. 260.
Notes: The statement is drawn up in charter-form, with proem, sanction, dating-clause and witness-list. It mentions a meeting at Wimborne minster and a later synod on the river Noddr (? Nidd).
Nichil in hoc sæculo prolixa felicitate perfruitur , nichil diuturna dominatione potitur , nichil quod non ad fatalem vitæ terminum loci cursu protendatur . Et ideo nobis sic mundanarum rerum patrimonia sunt perfruenda , ut tamen æternæ patriæ emolumentis numquam fraudemur . Hinc est quod ego Aldhelmus , postquam me immeritum , nullisque pene dignis moribus comprobatum , in pontificatus offitii sedem divina gratia subthronizasset, proposui archano mentis meæ affectu ut monasteriis meis , quibus jamdudum in abbatatus gradu constitutus , suffragante domino , regulariter præfui , religiosum abbatem , quem sibi spontanea familiarum mearum optio consona voce eligissent , canonica ratione atque regulari sanctione constituerem . His voluntariis propositionibus meis pia monachorum meorum restitit pertinacitas . Et cum hoc sedulo sepiusque in conventu fratrum meorum fidutialiter narrassem , nullus his votis meis placidissimum præbebat assensum; dicentes quod 'Quamdiu vitali vegetaris spiritu , nobiscumque præsentis vitæ deputaris stadio , tuæ semper dominationis jugo humillima colla subdere non dedignamur . Sed hoc suplici prece communique rogatu deprecamur , quod sub sacra scripturarum testificatione et favorabilium virorum claro consensu corrobores, ut nullus post obitum tuum , nec regalis audacitas , nec pontificalis auctoritas , vel aliquis æcclesiasticæ seu secularis dignitatis vir , sine nostro voluntatis arbitrio in nobis sibi vindicet principatum' . Huic debitæ monachorum meorum maximeque famulorum Dei petitioni libentissime consensi, et in monasterio quod juxta fluvium qui dicitur Winburna situm est, cui venerandi regis nostri germana Cuthburg præsidet, cum optabili famosissimi regis Ini consensu et reverentissimi fratris et coepiscopi mei Danihelis nutu præsentatæ professionis devotionem decentissimam et vernarum domini postulationem sacræ crucis signaculo confirmavi ; identidemque venerandus rex et prænominatus pontifex pari devotionis manu subscripserunt . Nec multo post in sacrosancto concilio, quod juxta fluvium qui dicitur Noodr congregatum esse dinoscitur, idem omnium Saxonicæ gentis archimandritarum cum regalis potentatus assensu et pontificalis prioratus nutn consensit auctoritas . Si quis vero contra hæc tam illustrium personarum decreta moliri machinetur , et sacra præsentis scedulæ scita prævaricari præsumpserit , sciat se ante terribilem divinæ majestatis thronum cum prævaricatoribus præceptorum domini lugubri dampnationis juditio percellendum . Sunt autem hæc nomina monasteriorum , Maldubesburg , Froom , Bradanford . Scripta est huius confirmationis cartula anno ab incarnatione domini nostri Jhesu Christi . dcco . vto . indictione iiia .
Signum manus Danielis episcopi .
Signum Yni regis .
Signum manus patricii Ethelfridi .