S 1191
A.D. 825. Ælfgar, miles, to Siward, abbot of Crowland; grant of land at Baston, Lincs. Latin.
Archive: Crowland
MSS: Spalding, Gentlemen's Society, Crowland Cartulary, 167v (s. xv)
Printed: Mon. Angl., ii. 853; K 22 ex Mon. Angl.; Mon. Angl. (rev. edn), ii. 109 (no. 7); B 383 ex Mon. Angl.
Comments: Searle 1894, p. 174; Hart, ECEE, no. 148, spurious; Roffe 1995, p. 107 n. 5, forgery.
+ Christianis universis per totam Merciam commorantibus Algarus miles filius Vorthangiæ salutem . Intelligere volo vos omnes quod ego donavi Deo sancto Guthlaco et speciali patri meo Sywardo abbati Croylandiæ et omnibus ibidem abbatibus post ipsum , et eorum monachis , manerium meum de Baston cum quatuor carucatis terræ arabilis , continentes in longitudine octo quarentenas , et octo quarentenas in latitudine , et . xlv . acras prati , et mariscum continentem in longitudine . xvi . quarentenas et . viii . quarentenas in latitudine , et ecclesiam ejusdem villæ et unum molendinum , et dimidium alterius molendini , et totam piscariam meam in aqua a prædicto molendino versus occidentem . Hæc mea donaria dedi præfato abbati Siwardo et monachis ibidem Deo servientibus in perpetuam elemosinam imperpetuum ad sustentationem sui monasterii , quia sicut sæpe didici insula sua nullius est ferax tritici . Hoc præsens cyrographum meum apud Legecestriam , in præsentia domini mei Withluphii regis Merciorum , anno incarnationis domini . dcccxxv . signo crucis stabiliter confirmavi .
+ Ego Osmundus Londoniensis episcopus consensi .
+ Ego Osbertus abbas Rapodii interfui .
+ Ego Athelinus dux audivi .
+ Ego Swithunus presbyter præsens fui + .