S 1048
A.D. 1042 x 1046. King Edward to St Augustine's Abbey; confirmation of lands and grant of St Mildrith's lands on Thanet. Latin.
Archive: Canterbury, St Augustine's
MSS: 1. Canterbury, D. & C., Lit. E. 19, 1rv (s. xiv)
2. BL Add. 53710, 223v-224r (s. xiv)
3. BL Cotton Claud. D. x, 63rv (s. xiv)
4. BL Cotton Claud. D. x, 183r (s. xiii)
5. BL Cotton Jul. D. ii, 90rv (s. xiii)
6. BL Cotton Vesp. B. xx, 276rv (s. xv)
7. PRO Ch.R. 20 Edw. II, m. 2
8. PRO Ch.R. 36 Edw. III, m. 7
9. PRO Ch.R. 8 Hen. IV, m. 6
10. PRO Pat. R. 2 Hen. VI, pt 3, m. 5
11. PRO Pat. R. 4 Edw. IV, pt 4, m. 29
12. PRO Pat. R. 14 Hen. VII, pt 1, m. 16
Printed: Mon Angl., i. 84-5 ex MS 5; Twysden, X Scriptores, cols 2127-8 ex MS 2; Alford 1663, iii. 50; K 900 ex MSS 5, 6 etc.; Mon. Angl. (rev. edn), i. 450 (no. 3); Thorpe, pp. 425-6; Pierquin, Recueil, pt 6, no. 53; Kelly, St Augustine's, no. 34 ex MSS 3, 5, 6.
Comments: Turner 1915, p. xxxix; Levison 1946, cf. p. 346, spurious; Harmer, Writs, p. 195 and n. 2, spurious; Keynes 1980, p. 126 n. 136, on formulation; Kelly, St Augustine's, pp. 124-5, spurious.
C. BL Cotton Vespasian B. xx, 276r: copy, s. xv
Rubric: Confirmacio sancti Edwardi regis et confessoris Westmonasterii [..........]
F. BL Cotton Julius D. ii, 90rv: copy, s. xiii.1
Rubric: Confirmatio regis Edwardi de Tenet.
G. BL Cotton Claudius D. x, 183r: copy, s. xiii.2
Rubric: Item confirmacio sancti Edwardi regis Anglie de manerio de Menstre.
G*. BL Cotton Claudius D. x, 63rv: copy of Inspeximus [R], s. xiv.1
Rubric: Carta regis Edwardi de manerio de Menstre.
I. Canterbury, D. & C., Lit. E 19, 63rv: copy (probably of G), s. xiv.1
Rubric: Confirmacio regis Edwardi de ecclesia sancti Augustini et super Menstre.
Conditor celi terreque Deus, uniuersitate totius creature de nichilo perfecta, primum hominem de limo formauit eumque ad imaginem suam configurauit, cui et omnium operum suorum dominari precepit, ea uidelicet ratione ut homo rationabilis irrationabili uteretur creatura, per quam ipse Deo seruiens obediret et obediendo creatorem honoraret. Deinde, succedente generatione in generationem, templa et ecclesias fieri constituens, de primitiis et decimis ac de substantia sue largitionis eas in nomine suo honorari precepit. Insuper et per euuangelium nos instruens ait, Thesaurizate uobis thesauros in celo et reliqua. Quapropter ego Eadweardus regis regum gratia rex et Anglorum princeps, post longam exiliationem solius miserentis Dei nutu in regno meo reuersus et in solio patrum meorum residens, ecclesiam quam hortatu beati Augustini rex Æthelberht in honore apostolorum Petri et Pauli a fundamento constituit diuersisque donis ditauit, in qua ipsius regis et omnium episcoporum Cantie ac regum corpora poni possent, cum omnibus appenditiis uel adiacentiis suis liberam esse annuo et statuto. Quoniam quidem in eadem ecclesia supradictus rex conditus iacet eiusque stirpis progenita Deo dilecta requiescit uirgo Mildryþa, ego etiam eiusdem regis stemmate ortus et regno eius Deo iuuante potitus, Tanatos insulam trado, quam Hegberctus rex iure hereditario concessit uenerabili regine Domneue, matri scilicet sancte Mildrythe, quantum cerua cursu suo lustrauerat, pro interemptione duorum fratrum eius Æþelredi atque Æþelberti, quos iussu eiusdem principis Deo odibilis Thunur iniqua strauit morte, quem mox celestis ultio terribiliter subsecuta est ipsum perimendo. Sed et omnes donationes possessionum uel facultatum quas prisco siue moderno tempore predecessores mei reges eidem ecclesie contulerunt, et ego regia potestate contrado atque firma astipulatione, cum consensu et testimonio episcoporum, ducum, principum et satellitum meorum, abbati Ælfstano ac monachis ibidem sub regula beati Benedicti abbatis Deo militantibus ad habenda et perfruenda sibi perpetua libertate constituens attribuo. Si cui uero hec largitio displicet uel si quis quod absit hanc minuerit, percutiat eum Deus amentia et cecitate ac furore mentis omnique tempore calumpniam maledictionis Dei sustineat, nec sit qui eum liberet nisi penitens resipiscat et digna emendatione satisfaciat. Hec autem traditio regalis in eodem loco seruetur inconuulsa et incontaminata, Deo teste qui dixit, Michi uindicta, ego retribuam, contradicentibus uero ad ruinam et ad condempnationem in die furoris Domini, cum eos qui dixerunt Domino Deo, Recede a nobis, scientiam uiarum tuarum nolumus.