S 967
A.D. 1033. King Cnut to Siward, abbot, and the brethren of Abingdon Abbey; grant of 3 hides (cassati) at Myton, Warwicks. Latin with English bounds.
Archive: Abingdon
MSS: 1. BL Cotton Claud. B. vi, 106rv (s. xiii)
2. BL Cotton Claud. C. ix, 202v (s. xii; bounds only)
Printed: K 751; Stevenson, Chron. Abingdon, i. 436-8; Earle, pp. 393-4, bounds only; Pierquin, Recueil, pt 6, no. 14; Kelly, Abingdon, no. 139.
Comments: Larson 1910, p. 725 n. 28; PN Warwicks., p. 265 n., on bounds; HRH, p. 233, subscriptions are consistent; Hart, ECNE, no. 73, authentic, drawn up at Abingdon; Keynes 1980, p. 11 n. 16, on formulation; Lawson 1993, p. 239, drafted at Abingdon; Keynes 1994/1, p. 51 n. 48, p. 52 n. 41, probably spurious but witness-list from genuine text; Smyth 1995, p. 350; Kelly, Abingdon, no. 139, authenticity uncertain; cf. S 273, 1572a.
Rubric: Carta Cnutoni regis de Mittune.
Confirmat nos sacre auctoritatis scriptura dicens, 'Nudus egressus sum de utero matris mee et nudus reuertar illuc', et iterum, 'Nichil intulimus in hunc mundum, uerum nec auferre ab eo quid poterimus?' Quapropter, lubrici potentatus non inmemor, ego Cnut, Christo conferente rex et primicerius tocius Albionis, regni fastigium humili presidens animo, ob remunerationem maioris premii aliquantulam ruris particulam tribus comparatam cassatis in loco cui uocabulum certa astipulatione Mytun profertur ad ecclesiam beate Marie genitricis Dei et Domini nostri Iesu Christi in loco qui Abbendun dicitur, Siwardo abbate fratribusque ibidem Deo seruientibus libenter concedo, obsecrans et precipiens in nomine Christi ut nemo successorum nostrorum superioris uel inferioris gradus hoc nostre deuotionis donum aliquo temeritatis aliquatenus instinctu disrumpat. Sit autem predictum rus omni terrene seruitutis iugo liberum, excepta rata uidelicet expeditione, pontis arcisue restauratione. Si quis igitur hanc nostram donationem in aliud quam constituimus transferre uoluerit, priuatus consortio Dei ecclesie eternis baratri incendiis iugiter puniatur, si non satisfactione emendauerit congrua quod contra nostrum deliquit decretum. Si quis uero inuidus ignicomis philargirie flammis accensus huic ueridico libellulo alium circumattramentatum cupiditatis fallatia libellum superimponere conataus fuerit, sit anathema marathana, hoc est alienatio a consortio Christianorum, donec resipiscens peniteat quod in inuidie fallacis liuore probarat. His metis prefatum rus hinc inde giratur.
Þis sind þara .iii. hida land gemæra æt Mytune. Ærest on leomenan a be healfon streame, swa of leomanan on doddan læw, of þam læwe on þone haran þorn, of þam þorne on þone bradan mere, of þam mere on tæceles broc, a be healfon streame on Auene, '7lang Auene' a be healfon streame eft of leomene. Anno dominice incarnationis .xxxiii. post mille, indictione .i., scripta est carta, his testibus consentientibus quorum inferius nomina caraxantur.
+ Ego Cnut regali dextera eandem uexillo sancte crucis corroboro manibusque omnium mihi subiectorum confirmare precipio.
+ Ego Ælfgyfa predicti regis conlaterana datum uenerande crucis uexillo consolidaui.
+ Ego Aþelnoð Dorbernensis ecclesie archiepiscopus regium munus gabulo sancte crucis confirmaui.
+ Ego Ælfric Eborace ciuitatis archiepiscopus huius munificentie dapsilitatem signo adorande crucis stabiliui.
+ Ego Brihtuuold episcopus adquieui.
+ Ego Ælfuuine episcopus adquieui.
+ Ego Aþelric episcopus adiuui.
+ Ego Bryhtmer episcopus consensi.
+ Ego Brytheh episcopus non renui.
+ Ego Aþeluuard abbas.
+ Ego Ælfuuine abbas.
+ Ego Ælfuuard abbas.
+ Ego Stigand presbyter.
+ Ego Eaduuold presbyter.
+ Ego Goduuine dux.
+ Ego Leofric dux.
+ Ego Ælfuuine minister.
+ Ego Tocig minister.
+ Ego Osgod minister.
+ Ego Þured minister.
+ Ego Leofuuine minister.
+ Ego Tokig miles.
+ Ego Godric prefectus.
+ Ego Totyg
+ Ego Ælfuuard prefectus.
+ Ego Ouuine.
+ Ego Totig.
+ Ego Osmund prefectus.
+ Ego Karl miles.
+ Ego Ulf miles