S 782
A.D. 971. King Edgar to Æthelwold, bishop; grant of land at Barrow-upon-Humber, Lincs., for Peterborough Abbey, in return for 40 pounds of silver and a golden cross. Latin with English bounds.
Archive: Peterborough
MSS: 1. BL Egerton 2733, 45r-47v (s. xiii; no bounds)
2. London, Soc. Ant., 60, 38r-39r (s. xii med.)
3. Peterborough, D. & C., 1, 111v (s. xiii; incomplete)
4. Peterborough, D. & C., 5, 22rv (s. xiii; no bounds or witnesses)
Printed: K 568 ex MS 2; Mon. Angl. (rev. edn), i. 383-4 (no. 15) ex MS 2; B 1270 ex MS 2.
Comments: Hart, ECEE, no. 150, authentic; Barker 1967, p. 85, on witness-list; Everson 1984, on bounds; Whitelock 1970, pp. 132-3, on prose-style, perhaps written by Æthelwold or an associate; Stenton 1971, p. 452, cited; Sawyer, Burton, p. 36 n. 1; Whitelock, EHD, p. 379; Keynes 1980, p. 70 n. 137, on calculation of regnal year; Lawson 1984, p. 730; Fleming 1985, p. 251; PN Lincs., ii. 29-30, on bounds; Everson and Knowles 1992-3, on bounds.
De Barwe super Humbram .
Universis sophiæ studium intento mentis conamine sedulo rimantibus liquido patescit . quod instabilis huius miserrimæ ac caducæ vitæ curriculis cum marcido inanis gloriæ flosculo tabescendo lugubriter deficit . et frivola ejus gloria nunquam in eodem statu permanens . velut fumus rotatu celerrimo evanescit . Attamen annuente Christi mundi creatoris ac redemptoris gratia tam recidivis præsentis vitæ munusculis futuram æternæ vitæ beatitudinem centuplicato quæstu adquirere lucrando fide vigente catholica prudentissime valemus .
Quamobrem ego Ædgar totius Brittannicæ insulæ regimina domini largiente gratia gubernans . tali sapientium monitu dinoscendo . XV o . mei terreni imperii anno ob cælestis remunerationis præmium ruris portionem Æt Bearuwe quam olim sanctus Ceadda ante paganorum vastationem possederat . Adelwoldo mihi præsulum amantissimo æterna largitus sum hereditate .
quam etiam ipse episcopus domino nostro Jhesu Christo et sancto Petro apostolo quem nostro adjutorio reædificavit cui nomen est Burch concedit . me videlicet annuente hac firmissima stabilitate corroborante .
quatinus pro nullius altioris vel inferioris gradus hominis reatu rus præfatum a domini qui nunquam reatum commisit possessione privetur . Si vero crimen quod veniæ non sit dignum suadente diabolo quod absit loci procurator commiserit . agatur rationabiliter de eo quod de regis agitur præposito . ut videlicet reo rite decuriato ac justo ordine depulso illi qui dignus sit Christi designetur uti regis solet præpositura a nullo decurium violata .
Ut autem firmior esset largifluum huius telluris donum . dedit præfatus episcopus regi prædicto . XL . meri argenti libras . et unam auream crucem ei multo cariorem pecunia prædicta .
Sit autem prædictum rus omni terrenæ servitutis jugo liberum .
tribus exceptis rata videlicet expeditione . pontis arcisve restauratione .
Si quis igitur hanc nostram donationem in aliud quam constituimus transferre voluerit . privatus consortio sanctæ Dei æcclesiæ æternis baratri incendiis lugubribus jugiter cum Juda Christi proditore ejusque complicibus puniatur . si non satisfactione emendaverit congrua quod contra nostrum deliquit decretum .
His metis rus hinc inde giratur .
Þis syndon þa land gemæro to Baruwe . Ærest up of Humbre andlanges þere ealdan dic þæt it cym'e'ð to wyrðe . fram wyrðe to Heope bricge . fram Heope bricge to merce mot . fram merce mote to Cumbre hole . fram Cumbre hole to willum . fram willum to micle hoh . fram micle hohe to middel hille . fram middel hille to mære dic . swa andlang mære dic eft ut on Humbre .
Anno dominicæ incarnationis . DCCCCLXXI . scripta est hæc carta his testibus consentientibus quorum inferius nomina caraxantur .
Ego Ædgar totius Albionis basileus . Hoc privilegium cum signo sanctæ crucis confirmavi .
Ego Dunstan Dorvernensis æcclesiæ archiepiscopus hoc idem cum tropheo agyæ crucis corroboravi .
Ego Osuuald Eboracensis æcclesiæ archiepiscopus subscripsi .
Ego Adeluuold præsul consignavi .
Ego Ælfstan antistes consensi .
Ego Athulf pontifex concessi .
Ego Æscuuig abbas non rennui .
Ego Osgar abbas impressi .
Ego Æthelgar abbas consensi .
Ego Ælfere dux .
Ego Æthelwine dux .
Ego Beortnoð dux .
Ego Oslac dux .
Ego Ætheluuard discipulus .
Ego Enulf discipulus .
Ego Ælsige discipulus .
Ego Ælfuuard discipulus .
Ego Frithegist .
Þureð .
Vlf .
Wulfric .
Osferð .
Wulstan .
Friðegist .
Hringulf .
Ælstan .
Æthelsige .
Leofsie .
Wulfeah .
Athelmund .
Thurferð .
Ælfelm .
Frena .