S 256
A.D. 256 (Malmesbury). Cuthred, king of the Gewisse, to Aldhelm, abbot, and Malmesbury Abbey; grant of 10 hides (mansiones) at Wootton Bassett, Wilts. Latin.
Archive: Malmesbury
MSS: 1. BL Lansdowne 417, 12rv (s. xiv/xv)
2. PRO E 164/24, 125r (s. xiii)
3. Bodleian, Wood empt. 5, 21v-23r (s. xiii)
4. Oxford, Magdalen College, 172, 90v (s. xiii; incomplete)
Printed: Wharton, Anglia Sacra, ii. 25; K 94 ex Wharton and MS 1; Hamilton, William of Malmesbury, G.P., p. 387 ex MS 4; Brewer, Reg, Malm., pp. 289-90 ex MS 2; B 170 ex Brewer, Hamilton, K, and MS 1.
Comments: Akerman 1857/1, no. 9; Darlington 1955, p. 4 n. 23, questionable authenticity, p. 90; Watkin 1956, p. 229 and n. 35, spurious in present form; Finberg, ECW, no. 188, authentic; Edwards 1988, pp. 48-52, on formulation, pp. 116-19, probably authentic; O'Donovan, Sherborne, p. 5, dubious.
De Wdetun quam Cudredus rex Aldhelmo præsuli cenobioque Meldunensi dapsili liberalitate largitus est .
Ego Cuthredus , rex Gewisorum , cogente catena caritatis Christi et indivisibilis affectu dilectionis , Aldhelmo abbati familiæque sub illius regiminis amore degenti , cum consensu atque scientia eximii præsulis Danihelis obtimatumque meorum et dignitatum , ob recordationem scilicet orationum suarum et redemptionem animæ meæ , ut in plenitudine electorum Dei collocatus sim , terræ partem in inextricabilem possessionem in loco qui dicitur Wdetun . sub . x . mansionum estimatione taxatam , sub contestatione sanctæ trinitatis , dapsili quidem liberalitate et hilariter ad Maldunense monasterium largitus sum . Spero autem felici videlicet mercatu , tradendo temporalia et quæ videntur , ea dumtaxat quæ non videntur atque indefecta perhennitate permansura me adepturum . Sit autem prædicta possessio ipsius monasterii usibus mancipata deinceps incessabili jugitate . Si quis huius largitionis meæ stipem tyrannica fretus insolentia qualibet occasione interrumpere atque in irritum deducere nisus fuerit ; sit a consortio piorum ultimi ventilabro examinis sequestratus rapaciumque collegio combinatus violentiæ suæ pænas luat . Si quis vero benivola intencione potius præditus hoc donationem ampliare voluerit . videat ovans bona domini cum angelorum agminibus . Exemplar huius largitionis promulgatum est anno ab incarnatione Christi . dccoxlovo . in prædicto cenobio sub præsentia Cuthredi regis quod propriæ manus munificentia votiva vero devotione altario sacro commendavit . Et hoc actum est hiis optimatibus et dignitatibus consencientibus quorum inferius nomina propriis indita sunt subscriptionibus .
+ Ego Daniel Dei plebis famulus et speculator subscripsi hanc donacionem . et confirmacione ratum fieri sa[n]xi.
+ Ego Cuthred nomine regis fungens hoc donativum propriæ manus subscripsi .
+ Signum manus Athelheardi.
+ Signum manus Cumman .
+ Signum manus Aldhunes .