S 1492
A.D. 1008 x 1012. Will of Ælfwold, bishop (of Crediton), including bequests of land at Sandford, Devon, to the monastery at Crediton and to Godric. English.
Archive: Exeter (ex Crediton)
MSS: Bodleian, Eng. hist. a. 2, no. XIII (s. xi1; BA Facs. 18)
Printed: Napier and Stevenson, pp. 23-4 (no. 10), with translation, p. 126; Councils and Synods, no. 51 (pp. 383-6), with translation.
Translated: Crediton 1913, pp. 193-4; Whitelock, EHD, no. 122 (pp. 580-1).
Comments: Napier and Stevenson, pp. 125-33, authentic; Chaplais 1965, p. 60, scribe also wrote S 890 (= 1973, p. 42); Chaplais 1966, p. 21 (no. 20) (= Chaplais 1981, XV, p. 21); Finberg 1969, pp. 42-3; Brooks 1978, pp. 87-91, on heriot; Whitelock, EHD, pp. 580-1; Keynes 1980, p. 121 n. 123; Chaplais 1981, XV, addendum; Councils and Synods, pp. 382-3; BA Facs., p. 6, MS probably contemporary; Dumville 1993, p. 51 n. 225, on a bequest; Hooke 1994, p. 186, cited; Pelteret 1995, pp. 121, 130, 329.
Endorsement in hand of early s. xiv:
Ealwold Bisscopes biquide at samforde to Cridihamtones minstre.
+ Þis is Alfwoldes bisceopes cwyde þæt is ðæt he geann þæs landes æt Sandforda in to þam mynstre in to Crydian tune him to saulsceatte mid mete 7 mid mannum swa hit stent butan witeþeowum mannum . 7 anes hiwscypes he geann Godrice þærof 7 an sylhðe oxna . 7 he geann his hlaforde feower horsa . twa gesadelode 7 twa unsadelode . 7 feower scyldas 7 .IIII. spera 7 twegen helmas 7 twa byrnan . 7 .L. mancsa goldes þe Ælfnoþ him sceal æt Wudeleage 7 ænne scegð .LXIIII. ære he is eall gearo butan þam hanon he hine wolde ful gearwian his hlaforde to gerisnum gif him god uðe . 7 Ordulfe twegra boca Hrabanum 7 martyrlogium . 7 þam æþelinge .XL. mancsa goldes 7 þæra wildra worfa æt Æscburnan lande 7 twegra getelda . 7 Alfwolde munuce .XX. mancsa goldes 7 anes horses . 7 anes geteldes . 7 Byrhtmære preoste .XX. mancsa goldes 7 anes horses . 7 his þrim magon Eadwolde 7 Æþelnoðe 7 Grimkytele hira ælcon .XX. mancsa goldes 7 hira ælcon anes horses . 7 Wulfgare his mæge twegra wahryfta 7 twegra setlhrægla 7 þreo byrnan . 7 Godrice his aðume twegra byrnena . 7 Eadwine mæssepreoste .V. mancsa goldes 7 his kæppan . 7 Leofsige mæssepreoste þæs mannes þe he him ær tolet Wunstan hatte . 7 Kenwolde helm 7 byrnan . 7 Boian anes horses . 7 Mælpatrike .V. mancsa goldes 7 Leofwine Polgan .V. mancsa goldes 7 Ælfgare writere an pund penega he lænde Tune 7 his geswysternon gehealdon hi hine . 7 Eadgyfe his swyster an strichrægl 7 .I. hrigchrægl 7 .I. sethrægl 7 Ælflæde offestran .V. mancsa . penega . 7 Spilan .III. mancsa goldes . 7 LX. penega . 7 Leofwine 'Polgan' . 7 Mælpatrike . 7 Byrhsige hira þreora ælcon an hors . 7 ælcon hiredmen his onrid þe he alæned hæfde . 7 his hiredcnihton eallon .V. pund to gedale ælcon be þam þe his mæð wære . 7 in to Crydian tune þreo þeningbec mæsseboc . 7 bletsungboc . 7 pistelboc . 7 an mæssereaf . 7 on ælcon bisceophame ælcon men freot þe witeþeow wære . oðþe he mid his feo gebohte . 7 in to Wiltune calic 7 disc on .CXX. mancsa goldes butan þrim mancsa . 7 burþenon his beddreaf . 7 þises is to gewitnesse . Wulfgar Ælfgares sunu . 7 Godric be Crydian . 7 Eadwine mæssepreost . 7 Alfwold munuc . 7 Byrhtmær preost .