S 1460
c. A.D. 1010 x 1023 (? 1023). Record of a dispute between Athelstan, bishop (of Hereford) and Wulfstan and his son Wulfric, concerning land at Inkberrow, Worcs. English.
Archive: Worcester
MSS: BL Cotton Ch. viii. 37 (s. xi1; BM Facs., iv. 14)
Printed: Hickes, Thesaurus, i, praefatio, p. xxi; K 898; Thorpe, pp. 375-8, with translation; Essays, pp. 363-5, part only, with translation; Sweet, Second Reader, pp. 223-5 (no. 34); Robertson, Charters, no. 83 (pp. 162-5), with translation.
Comments: Bond 1878, p. 7, contemporary; Ker 1948, pp. 50-1 n. 4, p. 65 n. 1, Worcester portion of tripartite chirograph; Robertson, Charters, pp. 411-13, dates ? 1023; Harmer, Writs, pp. 40-1, on background, dates 1023; Ker, Catalogue, p. xxxiv, on punctuation; Whitelock 1963, p. 11 n. 4, the original agreement is not later than 1011 and the name of the bishop concerned must be a mistake for that of his predecessor Athulf, if S 926 with the latter's attestation is correctly dated 1012; Finberg, ECWM, no. 342, original, dates ? 1023, cf. no. 333; Wormald 1988, no. 77, dates 1023; Hooke 1990, pp. 330-1; Reynolds 1992, p. 218 n. 33 (= 1994, p. 330 n. 35); Lawson 1993, p. 69; Kennedy 1995, pp. 142 n., 156 n., 164 n., 180 n., on legal background.
Notes: Upper portion of tripartite chirograph (CYROGRAPHVM). Issued in triplicate, with portions for St Mary's in Worcester, St Æthelberht's in Hereford and for the owner of the estate.
Her swutelað on ðissum gewrite [þæt] Æþelstan bisceop gebohte æt Leofrice æt Blacewellan fif hide landes . æt Intebyrgan be Æþelredes cynges leafe . 7 be Ælfeges arcebisceopes gewitnesse . 7 be Wulfstanes Arcebisceopes 7 be ealra þæra witena þe ða on Englalande lifes wæron . mid ten pundan reodes goldes . 7 hwites seolfres . unforboden 7 unbesacan . to geofene 7 to syllanne . ær dæge 7 æfter dæge . sibban oððe fremdan þær him leofost wære; 7 Se cyng het þone arcebisceop Wulfstan þærto boc settan . 7 Æþelstane bisceope . boc 7 land betæcan unnendere heortan; Þa æfter þysan manegum gearum . soc Wulfstan 7 his sunu Wulfric on sum þæt land . þa ferde se bisceop to sciregemote to Wigeranceastre 7 draf þær his spræce . þa sealde Leofwine ealdor[m]an 7 Hacu[n] 7 Leofric . 7 eal seo scir his land clæne þa he hit unforbodan 7 unbesacan bohte 7 settan dæg to þæt man to ðam lande scolde faran . 7 þa ilcan þe him ær landgemære læddon hit e....an . 7 cwædan gif ða landgemære ealswa wæron swa man heo on fruman lædde . þæt se bisceop þæt land fulriht ahte . þa com se bisceop þærto 7 se þe him land sealde 7 þa þe him ær [to gewit]nesse wæron . 7 com Wulfstan 7 his sunu 7 þa þe hyra geferan wæron . 7 heo ealle þa þa landgemære geridan eal swa heo man on fruman þam bisceope lædde . 7 heo ealle cwædan þe [þær æt] wæron þæt se bisceop fulriht þæt land ahte . þa se þær geanwyrde wæs þe him land sealde. Spæcon ða Leofrices freond . 7 Wulfstanes freond . þæt hit betere wære þæt heora seht togæ......de þonne hy ænige [sa]ce hym betweonan heoldan ; worhtan þa hyra seht . þæt wæs þ[æ]t Leofric sealde Wulfstane 7 his suna . an pund . 7 twegra þegna að 7 wære himsylf þridde . þæt he [on þ]am ilcan wolde beon gehealden gif seo spæc to Leofrice eode s[wa s]wa heo þa wæs to Wulfstane gega[n] . þis wæs ur[e] ealra seht; Wulfstan 7 his sunu sealdon þa þæt land clæne Leofrice . 7 Leofric 7 [W]u[lfs]tan . 7 Wulfric . þam bisceope clæne land 7 unbesacan . ær dæge 7 æfter to gyfanne þær him leofost wære; Her swutelað seo gewitnes 7 se borh þe þær æt wæron . þæt wæs ærest se bisceop 7 Le[ofric] . 7 Wulfstan . 7 Brihtwine . 7 Cynsig . 7 Wynstan . 7 Ægelwig munuc . 7 Ælwine mæssepreost . 7 Ælmær mæssepreost . 7 Wulfric mæssepreost . 7 Cyneword æt Pebbewurðy . 7 Ælewig ........nham . 7 Eadwig his mæg . 7 Wulfri[c] æt Cloddesheale . 7 Sæword æt Uptuny . 7 Wulfric æt Bynningtune . 7 Wulfsig Madding . 7 mænig god cniht toeacan þysan; Nu syndan þissa gewrita þreo . an on Wigernaceastre æt Sancta Marian þær þæt land toherð . 7 oðer on Hereforda æt Sancte Æþelbrihte . 7 þridde a mid þam þe þæt land on hande stande; God ælmihtig þone gehealde þe þis wille rihtlice healdan . 7 gif ænig man þonne seo þe þis awendan wille . God ælmihtig . 7 Sancta Maria . 7 ealle his leofan halgan þæne aniðerige ægþær ge her on life ge þær he længast wunian sceal . buton he hit þe deoppor ær geb[e]te swa bisceop him tæce.