S 1422
A.D. 1007 x 1014. The community at Sherborne to Edmund the Ætheling; lease, for life, of land at Holcombe Rogus, Devon, in return for 20 pounds. English.
Archive: Sherborne
MSS: BL Add. 46487, 16v (s. xii med.)
Printed: K 1302; Thorpe, pp. 300-1, with translation; Robertson, Charters, no. 74 (pp. 146-8), with translation, pp. 147-9; O'Donovan, Sherborne, no. 14.
Comments: Robertson, Charters, pp. 392-4, should be dated 1012, cf. p. 448; Harmer, Writs, pp. 482, 485-6; Finberg, ECDC, no. 50; HRH, p. 236, probably genuine; Dumville 1979, p. 5, witnesses from household of æthelings; O'Donovan, Sherborne, pp. xxiv, 49-51, authentic, exact date cannot be determined; Wormald 1988, no. 74; Hooke 1994, p. 189, cited; Pelteret 1995, p. 167; cf. S 1383.
Her swutelaþ on þisum gewrite þæt Eadmund æþeling bæd þone hyred æt Scireburnan þæt he moste ofgan þæt land æt Holancumbe ; ða ne dorste se hyred hym þæs wyrnan . ac cwæþon þæt hy þæs wel uðon . gyf se cing 7 se bisceop þe heora ealdor wæs þæs geuðon . Ða gewærþ hym . 7 se æþeling 7 se prafost 7 þa yldostan munecas comon to þam cinge 7 him fore cyddon 7 his leafe bædon . 7 þæt ærende abead Wulfstan archebisceop . Ða cwæð se cing þæt he nolde þæt þæt land mid ealle ut aseald wære . ac þæt hi elles swilce foreword worhton þæt þæt land eft in to þære halgan stowe agifen wære to þam fyrste þe hym ealle gewurde . Ða gewearþ hi þæt se Æþeling sealde þam hyrede . xx . punda wið þam lande ælswa hit stod mid mete 7 mid mannon 7 mid ællon þingon . 7 bruce his dæg 7 ofer his dæg eode þæt land eft in to ðære halgan stowe mid mete 7 mid mannon 7 mid eallum þingum swa swa hit ðonne wære . Ðises wæs to gewitnesse Wulfstan archebisceop . 7 Lyfing bisceop . 7 Æþelric bisceop . 7 Æþelsie bisceop . 7 Eadric ealdorman . 7 Æðelmer ealdorman . 7 Æþelfand Æþelmeres suna . 7 Leofsuna abbud æt Cernel . 7 Ælfget Hengþes suna . 7 Siwærd . 7 Brihtric reada . 7 ealle þa ildostan ðægnas on Dorsæton . 7 Ealdwine preost . 7 Wulfric preost . 7 Lofwine æþelinges disc þen .7 Ælfget 7 Ælwerd his cnihtas . 7 ealle þege oþre hired men .