S 1394
A.D. 1042. Lyfing, bishop, to Æthelric, his thegn; lease, for three lives, of 2 hides at Armscote in Tredington, Warwicks., in return for a money payment. English.
Archive: Worcester
MSS: BL Add. Ch. 19799 (s. xi1; BM Facs., iv. 23)
Printed: Sweet, Second Reader, pp. 228-9 (no. 39); Earle, pp. 242-3; Robertson, Charters, no. 94 (p. 180), with translation, p. 181.
Comments: Bond 1878, p. 7, contemporary; Robertson, Charters, p. 427; Atkins 1940, pp. 19-20; Stenton 1971, p. 413, cited; Finberg, ECWM, no. 349, authentic; HRH, p. 236, probably original; Hooke 1985, pp. 46, 108; Dumville 1993, p. 67 n. 292; Lapidge 1993, pp. 412-13, on a witness.
Notes: Upper portion of chirograph (CYROGRAPHVM).
Px In ures drihtnes naman hælendes Cristes ic Leofinc bisceop mid þafunge 7 leafe Hearðacnutes cynges 7 þæs arwurþan hiredes æt Wigornaceastre ge iunges ge ealdes gebocige sumne dæl landes minan holdan 7 getreowan þegene þam is Ægelric nama .ii. 'hida' æt Eadmunddescotan hæbbe he 7 wel bruce . for his eadmodre gehersumnysse 7 for his licwurðan sceatte . þæt is þæt he hit hæbbe 7 well bruce his dæg . 7 æfter his dæge twam erfewardum þanðe him leofest sy . 7 him betst to geearnian wylle . 7 he hit hæbbe to freon ælces þinges butan wallgeweorce 7 brygcgeweorce 7 ferdsocne. God ælmihtig þone gehealde . þe þas ure sylena 7 ure gerædnyssa healdan wylle on ælce healfe . gif ænig þonne sy uppahofen 7 inblawen on þa oferhyda þære geættredan deofles lare . 7 wylle þas ure sylena gewemman oððe gewonian on ænigum þingum . wite he hine amansumadne mid Annaniam 7 Saphiram on ece forwyrd . butan he hit her ær wurðlice gebete Gode 7 mannum. Ðis wæs gedon þy geare þe wæs agan fram Cristes gebyrtide an þusend wintra 7 twa 7 xlii. wintra. Ðis is seo gewitnes . þæt is Hearþacnut cyng 7 Ælfgeofu his modor . 7 Lyfing .bisceop. 7 eall se hired on Wigraceastre . 7 Ælfward .bisceop. 7 se hired on Eofeshomme . 7 Godwine abbod 7 se hired on Wincelcumbe . 7 Leofric .eorl. 7 ealle þa þegenas on Wigraceastrescire . ge englisce ge denisce.