S 1296
A.D. 981 x 988. Archbishop (Dunstan) to King Æthelred; letter concerning estates belonging to the diocese of Cornwall including Pawton in St Breock, Cællwic, and Lawhitton, Cornwall. English.
Archive: Exeter (ex Crediton, ? ex St German's)
MSS: Bodleian, Eng. hist. a. 2, no. XIV (s. x2; BA Facs,, no. 8)
Printed: Napier and Stevenson, pp. 18-19 (no. 7); Councils and Synods, no. 35 (II).
Translated: Napier and Stevenson, pp. 106-7; Crediton 1913, pp. 192-3; Whitelock, EHD, no. 229 (pp. 892-4).
Comments: Napier and Stevenson, pp. 102-10, authentic; Rundell 1913; Robinson 1918, p. 27, interpolated; Henderson 1925, p. 87, identified Cællwic with Kelly in Egloshayle; Sisam 1953, p. 124 n. 4; Finberg, ECDC, no. 94; Picken 1958, rejects identification of Cællwic with Callington; Finberg 1960, p. 32; Chaplais 1966, pp. 16-19 (no. 18), original, with later interlineations (= 1981, XV, pp. 16-19); Chaplais 1966/1, p. 173, original (= 1973, p. 57); O'Donovan 1972, pp. 34-5, 36; Whitelock, EHD, pp. 892-3, genuine; Fleming 1985, p. 256; O'Donovan, Sherborne, pp. lv-vi; Olson 1989, p. 63; BA Facs., p. 8, probably contemporary; Hooke 1994, pp. 16-17, 20, on estates; Kennedy 1995, p. 183 n. 197; cf. S 1451a.
+ þis gewrit sendeþ se arcebisceop his hlaforde Æþelrede cynge. Hit gelamp þæt Westwealas onhofon hi ongean Ecgbriht cyng. þa ferde se cyng þyder 7 gewylde hi, 7 geteoþude þone erd 7 ateh swa him þuhte. Sealde þa inn to Scireburnan þreo land, Polltun, Cællwic, Landwiþan; 7 þæt swa þa stod wintra þrage, oþ hæþene herias þysne eard ofor eodun 7 gesætun. Þa wearþ oþer tid æfter þan þæt lariowas afeollun 7 ut gewitun of Angla lande for þære geleafleste þe him þa onsæge gewearþ, 7 stod eall Westsexena rice VII gear buton bisceope. Þa sende Formosus se papa of Romebyrig 7 gemyngude Eadweard cyng 7 Plegmund arcebisceop þæt hi þæt gebetun, 7 hi swa dydun mid geþeahte þæs papan 7 eall Angelcynnes witena: gesettun V bisceopas þær ær wærun twegen, anne æt Wintancestre, þæt wæs Fryþestan, oþerne to Hremnesbyrig, þæt wæs Æþelstan, þriddun to Scireburnan, þæt wæs Wærstan, feorþan to Wyllun, þæt wæs Æþelm, fiftan to Cridiantune, þæt wæs Eadulf; 7 him mon betæhte þa þreo land on Wealan to innstinge inn to Defenun, forþam þe hi ær þam unhyrsume wæron buton Westseaxena ege. 7 Eadulf bisceop þyssa landa breac his lifes tida, Æþelgar bisceop æfter him eall swa. Þa gelamp hit þæt Æþestan cing sealde Cunune bisceoprice ealswa Tamur scæt. 7 Þa gelamp þæt Eadræd cyng het hadian Daniel 7 betæhte þa land swa him witan ræddun inn to sancte Germane to þam bisceopstole. Æfter þam, þa Eadgar cyng me het þæt ic Wulfsige hadude, þa cwæþ he 7 ealle ure bisceopas þæt hi nystun hwa rihtlucur þa land ahte þonne þære scire bisceop, þa he innhold wæs 7 Godes geleafan on riht bodude 7 his hlaford lufude. Gyf þonne þes bisceop nu swa deþ, ic nat hwy he ne sy þara landa wyrþe, gyf him heora God ann 7 ure hlaford, forþan us ne þincþ þæt hi ænig man rihtlicor age þonne he. 7 gif hi ænig man him to teo, hæbbe hi butan Godes bletsunge 7 ure.