S 1038
A.D. 1065. King Edward to Malmesbury Abbey; confirmation of privileges and of land, consisting of (a) 30 hides at Long Newnton [granted by King Æthelred], (b) 30 at Kemble of which 4 were at Chelworth in Crudwell, and 35 at Purton [granted by King Cædwalla to Abbot Aldhelm], (c) 40 at Crudwell, including Eastcourt, Hankerton and Murcott, 20 at Charlton near Malmesbury, and 10 at Dauntsey [granted by King Æthelwulf], (d) 10 at Wootton Bassett, 38 at Bremhill, including Euridge in Colerne, Spirthill in Bremhill, Chedecotun, Foxham and Avon in Bremhill, 5 at Norton, Wilts.; 5 at Somerford (? Somerford Keynes), Gloucs. [all granted by King Athelstan]; (e) 50 at Brokenborough [granted by King Eadwig], (f) 50 (?) at Grittenham, 10 at Sutton Benger, 10 at Rodbourne, 10 at Corston, 3 at Cusfalde (Cole Park), 2 at Bremilham, (g) 5 at Brinkworth [granted by Leofsige, uir nobilis], (h) and 11 at Highway in Hilmartin [granted by King Æthelred], all in Wilts.; (i) and 5 at Littleton on Severn, Gloucs. [granted by Wernoth, with the consent of King Æthelred]. Latin.
Archive: Malmesbury
MSS: 1. BL Lansdowne 417, 28r-29r (s. xiv)
2. PRO Cart. Ant. R. 16, no. 1 (s. xiii)
3. PRO Pat. R. 8 Ric. II, pt 2, m. 30
4. PRO Pat. R. 5 Edw. IV, pt 3, m. 12
5. PRO Pat. R. 1 Hen. IV, pt 8, m. 37
6. PRO E 164/24, 134v-135v (s. xiii)
7. Bodleian, Wood empt. 5, 49r-52r (s. xiii)
Printed: K 817; Mon. Angl. (rev. edn), i. 258-9 (no. 9); Brewer, Reg, Malm., pp. 321-4 ex MS 6; Pierquin, Recueil, pt 6, no. 41; Conway Davies 1957, pp. 108-9 ex MS 2.
Comments: Akerman 1857/1, no. 26; Forsberg 1950, p. 216; Harmer, Writs, pp. 37, 39 n. 3, doubtful, p. 127 n. 2, not authentic in present form but possibly founded on genuine material; Darlington 1955, pp. 87-90, doubtful; Oleson 1955, p. 154, doubtful; Finberg, ECWM, no. 180, spurious; HRH, p. 234, doubtful, subscriptions are few but not definitely inconsistent; Keynes 1980, p. 27 n. 40, p. 126 n. 136; Fleming 1985, p. 252 n. 9, authenticity uncertain but may have some authentic basis; Edwards 1988, p. 89, probably spurious; Keynes 1988, p. 214 n. 174, seemingly disreputable, but perhaps produced in unusual circumstances; Dumville 1992, p. 41 n. 57, p. 43, forged; Abrams 1996, p. 85, on Chelworth, p. 254 n. 72, on Corston; Keynes 1997, pp. 234-5, may have authentic basis.
+ 'Quaecunque scripta sunt,' dicit apostolus, 'ad nostram doctrinam scripta sunt, scilicet, ut per patientiam et consolationem scripturarum spem habeamus;' iccirco terrenis et caducis aeterna et mansura mercanda sunt, et cum spe bona perquirenda, ipse enim deus retributionem omnium actuum nostrorum in die examinationis iuxta uniuscuiusque meritum reddet; ideoque subtillissima mentis certatione et ardenti inquisitione illum imitari satagamus, licet mortalis uitae pondere pressi et labentis huius saeculi possessionibus miserabiliter sumus infoecati; tamen miserationis eius largitate, caducis opibus aeterna coelestis uitae praemia mercari quaeramus. Quapropter ego Eadwardus suprema gratia largiente Anglorum regalia sceptra gubernans, rogatus a Brihtrico abbate Meldunensis coenobii cum consensu episcoporum, optimatumque meorum, ob honorem sanctae dei genitricis Mariae perpetuae uirginis, et ob reuerentiam sancti Aldhelmi eiusdem coenobii quondam abbatis, deinde Schiraburnensis praesulis, cuius corpus gloriosum in eadem aecclesia uenerabiliter requiescit, et multis patratis miraculis elucescit, concedo et regali auctoritate praecipio quatinus eadem aecclesia omnes terras et possessiones suas quas hodierna die tenet et possidet uel in futuro largitione quorumlibet fidelium tenenda est uel possidenda, perpetuo iure et perpetua pace teneat atque possideat. Subscribimus enim nomina terrarum et nomina eorum qui eas aecclesiae fideli deuotione contulerunt. Inprimis Newentuna ex dono Æðelredi regis, terra est .xxx. hydarum sita ab occidentali parte stratae publicae quae Fossa nominatur. Item Kemele, terra est .xxx. hydarum, quarum .iiii sunt in Chellewrða, hanc terram dedit Aldhelmo abbati Ceadwalla rex; sita est in orientali plaga stratae publicae supranominatae. Item Pirituna, terra est .xxxv. hidarum de orientali parte siluae quae dicitur Bradon, hanc dedit Chedwalla rex Aldhelmo abbati. Item Creddewilla, terra est .xl. hidarum, de ista terra est Eastcotun, Honekynton, Morcotun, terram istam dedit Æðelwlfus rex christianissimus. Item eadem aecclesia tenet Cheorletuna, terra est .xx. hidarum, hanc dedit idem rex Æðelwlfus. Item Dometesig, terra est .x. hidarum, hanc dedit idem rex Æðelwlfus. Item eadem aecclesia tenet Wdetun, terra est .x. hidarum sita intra siluam Bradon, hanc dedit Æðelstanus rex uenerabilis aecclesiae Maldunensi. Item Bremela, terra est .xxxviii. hidarum, de ista terra est Ywerig, Speerful, Chedecotun, Foxham, Auene, terram istam dedit rex Æðelstanus. Item ex donatione eiusdem regis Æðelstani ipsa aecclesia tenet Nortuna pro .v. hidis, et Sumerford pro .v. hidis. Item eadem aecclesia tenet Brokeneberge, terra est .l. hidarum, hanc dedit rex Eadwy; de hac eadem terra Grutenham pro .l. hida. Et ex occidentali parte fluminis quod Auena nominatur et Suttuna pro .x. hidis, Rodburna pro .x. Corstuna pro .x. Cusfalde pro .iii. Bremelham pro .ii. hidis. Item Brinkewrða, terra est .v. hidarum, hanc dedit quidam uir nobilis Leofsi nomine. Item Hewy, terra est .xi. hidarum, hanc dedit Æðelred rex. Item ipsa aecclesia tenet Litletun terra est .v. hidarum, hanc dedit Uuenoðus Æðelredo rege suo annuente. Ego igitur Eadwardus dei misericordia Anglorum rex, concedo atque praecipio quatinus aecclesia ista sit libera et quieta ab omni mundiali iugo, scilicet, de schiris et hundredis, et placitis et quaerelis, et omnibus geldis et consuetudinibus; concedo etiam ei libertatem plenariam, id est sacam et socam, tol et tem, et infangeneðef, monbriche, hamsokne, forstell. Quicumque ergo hanc nostram donationem seu libertatem seruauerit, perducat eum dominus ad gaudia Paradisi. Qui uero contempserit, ligatis manibus et pedibus mergatur in profundum inferni. Acta est haec praefata libertas anno dominicae incarnationis millesimo .lxv. indictione .iiii. hiis testibus consentientibus quorum inferius recitantur nomina.
+ Ego Eadwardus rex Anglorum praefatam donationem cum titulo sanctae crucis confirmaui et inpressione sigilli mei consolidaui.
+ Ego Eadgið regina consensi et laudaui.
+ Ego Stigand archiepiscopus subscripsi.
+ Ego Ealdsið archiepiscopus roboraui.
+ Ego Hereman episcopus adquieui.
+ Ego Leofric episcopus impressi.
+ Ego Wyllelm episcopus faui.
+ Ego Harold dux confirmaui.
+ Ego Tosti dux carraxaui.
+ Ego Gyrð dux praetitulaui.
+ Ego Leofwyne dux subarraui.
+ Ego Æðelnoðus abbas subscripsi.
+ Ego Alwy abbas subscripsi.
+ Ego Ordrich abbas subscripsi.
+ Ego Æðelsige abbas subscripsi.
+ Ego Wlfric abbas subscripsi.
+ Ego Brihtricus abbas supranominati coenobii lectis et diligenter perscrutatis aecclesiae nostrae cartis hanc scedulam dictaui et propria manu conscripsi et cum titulo uenerandae crucis confirmaui coadunaui et conclusi.